Popular Bible Verses from मरकुस 13

Share

मेरै उपर थे लोग बिस्वास करो हो ईंखातर लोग थारूं नफरत करैगा थानै बिलकुल आच्छा कोनी मानसी झिको आखरी टेम तांई मेरै उपर बिस्वास करतो रेवैगो अर दुख सेवंतो रेवैगो बो बच जावैगो।

इनै एक क्हाणी ऊं समझा ऊं, बोळै दूर गै गाम में जाण आळो एक आदमी आपगै घर गै नोकरां नै सारी जिमेदारी देगे उड़ जावै है हर एक नोकर नै के काम करणो है ओ बी बता देवै है गेट पर पेरो देण आळै नै सावधान रेण खातर केगे जावै है।

जद थानै पकड़गे पंचायतां में खड़या करै तो, चिंता ना करियो कै पंचायत में के बोलणो है, के केणो है बिं टेम परमेसर थानै बोलण खातर केवै बो ई बोलणो है क्यूंकै बोलण आळा थे कोनी होस्यो पण पवितर आत्मा हो'सी।

आसमान अर धरती नास हो सकै पर मेरी बातां झूठी कोनी हो सकै परमेसर गै बिना कोई कोनी जाणै कै बो अंत गो टेम कद हो'सी।

परमेसर गी ओर ऊं मिनख गै बेटै गै पाछो आणै गो दिन या घड़ी गो किनैई ठा कोनी ना तो बो खुद जाणै है अर ना ई सुरगदूत जाणै बिंगै बारै में सिरफ पिता परमेसर जाणै है कै बो टेम कद आवैगो।

जद लोग थानै केवै कै लड़ाईयां होवै है या केवै लड़ाईयां होण आळी है तो डरियो ना। ऐ बातां तो जरूर होवैगी पण सारा गो अन्त इतो बेगो कोनी होवैगो।

इयां थे बी सावधान रेवो क्यूंकै थानै ठा कोनी थारो मालिक कद पाछो आ जावैगो या आदी रात नै सूरज उगण ऊं पेलां या झांझरकै गै टेम में, जे बो चाणचकै आ जावै तो थे सुत्या होया ना दीखियो। बांगै उडीक में चोकस रेवो ऐ बातां झिकी मैं थानै केऊं हूं सारा नै बताओ।

इंयु पेलां एक देस दूसरै पर अर एक राजा दूसरै राजा ऊं लड़ाई करैगा। धरती हालैगी, काळ पडै़गा। जद दुख आण गी सुरूआत हो'सी।”

सारा गो अंत होण ऊं पेलां सुब समाचार गो परचार सारी जातियां गै लोगां में करणो जरूरी है।

क्यूंकै मेरो नाम लेगे कीं लोग आवैगा ओर केवैगा मैं हूं मसी ओ केगे केईयां नै धोखो देवैगा।

पण थे सावधान रेईयो क्यूंकै थारै मू केई लोगां नै पंचायत में सूंप देसी अर केईयां नै पराथना घरां में मार देसी। अर मेरै पर बिस्वास गै कारण हाकिम अर राजावां सामै खड़या करसी। जद बां लोगां नै मेरै बारै में बताण गो आच्छो मोको हो'सी।

क्यूंकै अपणै आपनै मसी अर परमेसर गो संदेस सुणाण आळा, केण आळा आवैगा झिका साची झूठा हो'सी परमेसर नै मानण आळै लोगां नै बी धोखो देण गी कोसिस कर'गे सबूत गै रूप में अदभुत चमत्कार गा काम करैगा।

मुसीबत कळेस दुख गै बां दिना गै बाद सूरज गी रोसनी कोनी होवैगी चांद बी रोसनी कोनी देवैगो। आसमान गा तारा नीचै पड़ ज्यैगा अर झिको कीं आसमान में है हाल ज्यैगो।