Popular Bible Verses from मरकुस 12

Share

यीसू जबाब दियो, “सारां ऊं खास नेम ओ है इसरएल गा लोगो सुणो आपणो परमेसर झिको मालिक है। बो एक है, बिंगै बिना ओर कोई कोनी। थै पूरै दिल पूरी आत्मा पूरै मन अर पूरी ताकत ऊं थे परमेसर झिको मालिक है बिंऊं प्यार करो। दूसरो खास नेम ओ है लोगां ऊं इंया प्यार करो जिंया थे अपणै आप सागै करो हो आं दोना नेमा ऊं मोटो कोई नेम कोनी।”

यीसू चेला नै आपगै कनै बुला गे केयो, “मैं थानै केऊं हूं अण गरीब विधवा मिन्दर में सारा ऊं जादा दान दियो है। सारा लोग आपगै कनै झिको ज्यादा धन हो, बिंऊं दियो पण अण गरीब विधवा आपगो सारो कीं दान कर दियो क्यूंकै बिंगै कनै खाण पीण गै खातर झिका पीसा हा बे घाल दिया।”

बो मिन्दर गी दान पेटी सामै बेठयो देखण लागरयो बठै लोग दान करण लागरया। बठै केई जणा भोत जादा दान देण लागरया। पण एक गरीब विधवा, आई अर दो छोटा सिका घाल्या झिका एक पिसै गै बराबर हा।

बिं परमेसर नै पूरै दिल, पूरी समझ अर पूरी ताकत ऊं प्यार करणो है जिंया म्हे अपणै आप ऊं करां हां। ओ सारी होंबलियां अर बलिदान ऊं मोटो है।

फेर यीसू बानै केयो, “झिको केसर नै देणो है बो केसर नै दे देवो अर झिको परमेसर नै देणो है बो परमेसर नै दे देवो।” ओ उतर सुण गे बानै अचंभो हो'ग्यो।