Popular Bible Verses from मरकुस 14

Share

फेर बण केयो, “हे पिता,” तेरै खातर सारो कीं सोरो है। ईं कटोरै नै मेरै कनूं दूर कर फेर झिको कीं मैं चाऊं हूं बो कोनी पण झिको कीं थे चावो हो बो पूरो होवै।

जागता रेवो अर पराथना करो कै थे कीं तरियां गी बिपता में ना पड़ो। आत्मा तो चावै है पण सरीर निरबल है।

मैं थानै साची केऊं हूं सारै संसार में जद कठैई सुब समाचार गो परचार करयो जावैगो, बठै बिंगी याद में झिको कीं बण करयो है, इंगी बात होवैगी।”

बण बानै केयो, “मेरो मन दुखी है जिंया मेरा प्राण निकळण लागरया है। थे अठैई रूको अर सावधान रेवो।”

जद बे खाण पीण लागरया हा यीसू रोटी ली अर धन्यावाद दियो, रोटी तोड़ी अर चेला नै देवंता केयो, ल्यो आ मेरी देह है।

फेर बण कटोरो लियो धन्यावाद दियो अर सारा बिमुं पीयो। जद यीसू बोल्यो, “ओ मेरो खून है झिको एक नुअ वायदै गी सुरूआत है ओ भोतां गै खातर बहायो जावैगो।”

यीसू बानै केयो, “थारो सारा गो बिस्वास गिर जावैगो क्यूंकै लिख्यो है कै, मैं गुवाळिया नै मारूंगा अर भेड़ा तितर बितर हो जावैगी।”

खड़या होज्यो। मनै पकड़ाण आळो कनै आ'ग्यो है।

ईं पर यीसू बिंऊं केयो, “मैं तनै साची केऊं हूं आज'ई रात नै कुकड़ गै दो बारी बांग देण ऊं पेलां तूं तीन बारी मेरो इनकार करैगो।”