Popular Bible Verses from பிலிப்பியர் 3

Share

பிரியமானவர்களே, அந்த இலக்கை அடைந்துவிட்டேன் என்று நான் எண்ணவில்லை. ஆனால், நான் ஒன்றைச் செய்கின்றேன். கடந்துபோனவற்றை மறந்து, முன்னால் உள்ளவற்றை நோக்கி, பரிசை வென்றெடுப்பதற்காக இலக்கை நோக்கி அயராது ஓடுகிறேன். இறைவன் கொடுக்கின்ற பரிசாகிய பரலோக வாழ்வைப் பெற்றுக்கொள்ளும்படி, கிறிஸ்து இயேசுவின் மூலமாக அவர் என்னை அழைத்திருக்கிறார்.

நான் கிறிஸ்துவையும் அவருடைய உயிர்த்தெழுதலின் வல்லமையையும் அறிந்துகொண்டவனாய், அவரைப் போலவே மரணத்திலும்கூட அவருடைய மரணத்துக்கு ஒத்திருந்து, அவர் அடைந்த வேதனைகளில் ஒன்றிணைந்து பங்குகொண்டு, இப்படியாக ஏதோ ஒருவிதத்தில் நானும் இறந்தோரின் உயிர்த்தெழுதலை அடைய வேண்டும்.

அதுமட்டுமல்ல, என் ஆண்டவர் கிறிஸ்து இயேசுவை அறியும் அந்த அறிவின் மேன்மையுடன் ஒப்பிடும்போது மற்ற எல்லாமே ஒரு இழப்பு என்பதாகக் கருதி, அவருக்காக அவை எல்லாவற்றையும் நிராகரித்துவிட்டேன். கிறிஸ்துவை நான் ஆதாயமாகப் பெற, அவைகளைக் குப்பையாக எண்ணுகிறேன்.

ஆனாலும், எனக்குப் பயன் தரும் என்று நான் எண்ணிய எல்லாவற்றையும் கிறிஸ்துவுக்காக இப்போது பயன் அற்றவையாகக் கருதுகிறேன்.