Popular Bible Verses from Yohana 16

Share

Nebhughiri ghayo ghoose kubha mubhe no omurëmbë mo‑metema gheenyu, gho kubha moonyi moose yaane. Mo‑se muno mokubhöna anyaako yaaru, amare mwitoore omukörö gho kubha eni neyekindiri ase.”

Amare Akörö e bhuhëënë, hano ekuucha ghokoonyu, nekobhakangata kobhumënya obhuhëënë bhoose. Teekobhugha kwo bhotoro bhooche ayeene, amare nekobhugha ghano yoghwire na kobhabhoorera ghano ghakuucha.

Mbagha ibheere, motaamara musabha Eryobha ghyokyose gho kohetera eriina reene. Musabhe Eryobha na niinyu mokuhaabhu, kubha ghuchömëru koonyu kohikeerane.

“Nekobhabhoorera inyu obhuhëënë kubha, ngʼoni ghokoonyu eni neghi o‑Taata, neraanga ghuye, Omotoorereri wuure taaghotora kuucha ghokoonyu. Amare aribha neraghe, nekomotoma ghokoonyu. Eriibhagha akuucha, naakubha arabhëërëki abhaato bhoose ighoro e masari ghaabho, no obhuhëënë bhoone, wiiki kubha Eryobha ndekobhatenera ekiina.

Inyu moonyi na amacheeche kwo riibhagha rino. Amare nekuucha wiiki ghokoonyu, na niinyu mookubha na ghuchömëru mo‑metema gheenyu. Taanyi‑ho uno akoruusi ghuchömëru kuyo mo‑metema gheenyu. Wiiki eriibhagha riyo reraacha kohika, motaakomboori angʼana yoyoose. “Mahëënë ˆnekabhabhoorera, ghyokyose kino morasabha kohetera eriina reene, Taata nakobhaha.

Mahëënë ˆnekabhabhoorera, inyu mokorera na kubha na amacheeche, amare abhaato bha se ino mbaghuchömëru. Mookubha na amacheeche kwo riibhagha ighuhe, amare amacheeche ghaanyu ngaghwigharura kubha ghuchömëru.