Popular Bible Verses from Yohana 15

Share

“Eni n‑omusabhiibhu, na niinyu n‑ebhihaghe. Omooto uno aghwikara moose yaane, na neeni moose yaache, uyo naakubha arasönga amakorobhese maaru, gho kubha aribha taanyi eni motaaghotora ghuköra ngʼana yoyoose.

Mwikare moose yaane, na neeni neghwikara moose yaanyu. Kinya bhuno eghisaghe ghetaaghotora ghusönga amakorobhese ekyene chiri aribha ghetighöötëriire mo‑musabhiibhu, hangʼu hangʼu motaaghotora ghuköra amiigha gha Ryobha aribha motiikeere moose yaane.

Aribha moghwikara moose yaane na amangʼana ghaane ghiikare moose yaanyu, mbe, musabhe Taata ghyokyose kino mokwënda, na niinyu mokuhaabhu.

Inyu motanyahwire eni, amare n‑eni nebhahwire inyu. Nebhahwire kubha, musöngë amakorobhese ghano ghataaghosira naabha. Moraköra hangʼu, ghyokyose kino morasabha kohetera eriina reene, Taata nakobhaha.

Taanyi‑ho omooto uno anyi no obhosiighi bhokoro ghokera bhuno, bho mooto koruusi obhuhöru bhooche gho ghiri e bhasaani bhaache.

Eghisaghe ghyokyose moose yaane kino ghetaaghusönga amakorobhese, Taata nahaakenunga. Amare eghisaghe ghyokyose kino ghetaaghusönga amakorobhese, Taata nahaaghiköngöörëra kubha kyëngërë ghusönga.

Eriiraghereri reene niryo rino, mosiighane, kinya bhuno nebhasiighiri inyu.

Abhaanabheegha bhaane bha hëënë mbahaasönga amakorobhese maaru. Gho ghiri iyo abhaato mbakumënya kinya Taata anyi mokoro.

Yesu akëëndërëra kobheeghi arabhugha, “Eni n‑omusabhiibhu o hëënë, na Taata waane niwe omoremi.

Omooto wowoose araanga ghwikara moose yaane natuubhiine ne eghisaghe kino ghekurëkëru na kunyaara. Mbe, abhaato mbaghoghitööra na ghokirëkëra mo‑mororo, kehi.

“Nebhabhooriire amangʼana ghano kubha ghuchömëru koone kubhe moose yaanyu, na ghuchömëru koonyu kohikeerane.

Aribha moraghööta amaraghereri ghaane, mokwëndërëra ghwikara mo‑bhosiighi bhoone, kinya bhuure eni nighöötiri amaraghereri gha Taata waane na ghwikara mo‑bhosiighi bhooche.

Mbe, nekabhahatëka inyu kubha, mosiighane.”

Aribha mongabheere abhaato bha mo‑se ino, bhayo mbangabheere bhabhasiighiri kinya bhuno ase esiighiri abhaato bhaache. Amare inyu motaanyi bha se ino, gho kubha nebhahwire koru mo‑se ino, nikyo gheghughëri abhaato bha mo‑se ino ˆbhakabharëgha.