Popular Bible Verses from Yohana 17

Share

Oo Taata, ˆneghaghusabha obhakörë kubha abhaato bhaacho inkongʼorimu mo‑bhuhëënë bhoocho, gho kubha angʼana yaacho niyo obhuhëënë.

Obhuhöru bho miishe ghyose nibho bhuno, abhaato bhakumënyë iye mwene uno onyi Eryobha re hëënë, wiiki bhamënyë eni Yesu Kirisito, uno ontomiri.

“Nteekobhasabhera abheene hangʼu, amare nekobhasabhera bhoose bhano bhakuucha ghonkumi gho ghiri e ghano abhaanabheegha bhaane bhakweghi. Neghusabha kubha bhayo bhabhe egheghiro kimu. Taata, neghusabha bhabhe moose yiito, kinya bhuno iye onyi moose yaane, na neeni neenyi moose yaacho. Neghusabha kubha bhabhe egheghiro kimu, kubha abhaato bha mo‑se bhatore ghwishereri kubha n‑iye ontomiri.

Oo Taata, nteeghusabha kubha obharuusi mo‑se ino, amare kubha obhatoori no Omobhisa wuure.

Obhokumi obhokoro bhuno oheere eni, nebhaheere abhaanabheegha bhaane, kubha bhabhe egheghiro kimu, kinya bhuno itu toonyi egheghiro kimu. Eni neenyi moose yaabho, na niiye noonyi moose yaane. Neghusabha kubha bhabhe egheghiro kimu inkongʼorimu, kubha gho nchëra iyo abhaato bhoose bha se bhamënyë kubha n‑iye uno ontomiri, wiiki bhamënyë kubha nobhasiighiri kinya bhuno onsiighiri eni.