Popular Bible Verses from ရူဝ်းမႃႉ 2

Share

ၵေႃႉ​ဢၼ်​တူဝ်​ၸဝ်ႈ​ၵဝ်ႇ​ႁဵတ်း​ဢမူႉ​ၸိူဝ်ႉ​ၼင်ႇ​ၼႆ​ယူႇ​လႄႈ ၸီႇ​ယၢင်ႇ​ၸႅတ်ႈ​ထၢမ်​ၶဝ်​ၸိူဝ်း​ဢၼ်​ႁဵတ်း​ဢမူႉ​ၸိူဝ်ႉ​ၼင်ႇ​ၼႆ​ၼၼ်ႉ​ၼႆႉ​ဢိူၺ်း၊ မႂ်း​ထၢင်ႇ​မႂ်း​တၵ်း​ၵၢင်း​လွတ်ႈ​တင်း တၢင်း​ဢၼ်​ၽြႃး​ပဵၼ်​ၸဝ်ႈ​ၸီႇ​ယၢင်ႇ​ၼၼ်ႉ​ႁိုဝ်။- မႂ်း​ယင်း​ဢမ်ႇ​ႁူႉ​ဢမ်ႇ​တွင်း​လွင်ႈ​ဢၼ် ၵျေး​ၸူး​ၽြႃး​ပဵၼ်​ၸဝ်ႈ​ၸူဝ်း​ဢဝ်​မႂ်း​ၵႂႃႇ ၼႂ်း​တၢင်း​ဢၼ်​ၶုၵ်း​ၸႂ်​လႆႈ​မႆႈ​ၸႂ်​ၼၼ်ႉ​ယူႇ​သေ​လႄႈ ႁဵတ်း​ဢမ်ႇ​ပေႃး​ၼင်ႇ​ႁိုဝ် ၵႃႈ​တီႈ​တၢင်း​ဢၼ်​မၼ်း​ၸဝ်ႈ​ႁဵတ်း​ၵျေး​ၸူး​ယႂ်ႇ​ၼမ်​ၼႃႇ၊ တၢင်း​ဢၼ်​မၼ်း​ၸဝ်ႈ​ယိူၼ်ႉ​ၶၢမ်ႇ၊ တၢင်း​ဢၼ်​မၼ်း​ၸဝ်ႈ​ၸႂ်​ယႂ်ႇ​ၸႂ်​ယၢဝ်း​ၸိူဝ်း​ၼၼ်ႉ​ယူႇ​ႁိုဝ်။

ၵေႃႉ​ဢၼ်​ၸၢင်ႈ​ၸီႇ​ယၢင်ႇ​ၸႅတ်ႈ​ထၢမ်​ပိူၼ်ႈ​ၼႆႉ​ဢိူၺ်း မႂ်း​ဢမ်ႇ​ႁူမ်ႇ​ဢပႅတ်ႈ​မႂ်း​ဝႆႉ​လႆႈ​ၵူၺ်ႉ။ လွင်ႈ​မၼ်း​ၸမ်ႉ ပိူဝ်ႈ​ဢၼ်​တူဝ်​မႂ်း​ႁဵတ်း​ဢမူႉ တၢင်း​ဢၼ်​မႂ်း​ၸီႇ​ယၢင်ႇ​ၸႅတ်ႈ​ထၢမ်​ၼၼ်ႉ​ယူႇ​လႄႈ မႂ်း​ပဵၼ်​ၵေႃႉ​ဢၼ်​ၸီႇ​ယၢင်ႇ​လွင်ႈ​ဢၼ်​တူဝ်​ၵဝ်ႇ​မီး​ဢပႅတ်ႈ ၼႂ်း​လွင်ႈ​တၢင်း​ဢၼ်​မႂ်း​ၸီႇ​ယၢင်ႇ​ၸႅတ်ႈ​ထၢမ်​ပိူၼ်ႈ​ယူႇ​ၼၼ်ႉ​ဢေႃႈ။

လွင်ႈ​မၼ်း​ၸမ်ႉ ၽြႃး​ပဵၼ်​ၸဝ်ႈ​ဢမ်ႇ​ထွၵ်ႈ​လူၺ်ႈ​ၼႃႈ​ၽူႈ​လႂ်​ၵူၺ်ႉ။

လွင်ႈ​မၼ်း​ၸမ်ႉ ၶဝ်​ၸိူဝ်း​ဢၼ်​ထွမ်ႇ​တြႃး​ၼၼ်ႉ ပဵၼ်​ဢၼ်​သိုဝ်ႈ​တေႃႇ​ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​ဢမ်ႇ​ၸႂ်ႈ ၶဝ်​ၸိူဝ်း​ဢၼ်​ၵမ်​ၵျၢင်ႉ​တြႃး​ၼၼ်ႉ​ၵူၺ်း တၵ်း​ႁွတ်ႈ​ထိုင်​တၢင်း​ဢၼ်​သိုဝ်ႈ​တေႃႇ​ဢေႃႈ။

မၼ်း​ၸဝ်ႈ​ၼၼ်ႉ​တၵ်း​တႅၼ်း​ပၼ်​ဢၵျူဝ်း​ဢပႅတ်ႈ တီႈ​ၵူၼ်း​ၵူႈ​ၵေႃႉ​ၵူႈ​ၵူၼ်း ၸွမ်း​ၵႃႈ​ၼင်ႇ​ဢၼ်​တၢင်း​ၵမ်​တၢင်း​ၵျၢင်ႉ​ၶဝ်​မီး​ၼၼ်ႉ​ဢေႃႈ။

တီႈ​ၶဝ်​ၸိူဝ်း​ဢၼ်​မီး​သၽေႃး​ဢၼ်​ၸၢင်ႈ​တွပ်ႇ​ၸၢင်ႈ​ထဵင်​လႄႈ ဢမ်ႇ​ထွမ်ႇ​ဢမ်ႇ​ဢဝ်​သမ်ႇမႃႇ​တြႃး​လႄႈ ၵမ်​ၵျၢင်ႉ​ဢၼ်​ဢမ်ႇ​တြႃး​ယူႇ​ၼၼ်ႉ​ၸမ်ႉ၊ တေႃး​သႃႉ​တင်း​ၸႂ်​မႆႈ​ၶႆႈ​ၸႃႉ​ၸဝ်ႈ​ဢၼ်​ႁႅင်း​ၼႃႇ၊

ပေႃး​ႁဵတ်း​ၸိူဝ်ႉ​ၼင်ႇ​ၼၼ်ႉ​ၸိုင်၊ မႂ်း​သိမ်း​ပႅင်း​တေႃး​သႃႉ​တင်း​ၸႂ်​မႆႈ​ဝႆႉ ပုၼ်ႈ​ဢၼ်​မႂ်း​တၵ်း​ၶၢမ်ႇ​ၼႂ်း​ဝၼ်း​တေႃး​သႃႉ​တင်း​ၸႂ်​မႆႈ ဢိၵ်ႇ​တင်း​တၢင်း​ဢၼ်​ၽြႃး​ပဵၼ်​ၸဝ်ႈ​ၸီႇ​ယၢင်ႇ​ၸွမ်း​ၼင်ႇ​တြႃး​ထၢင်ႇ​သႃး​မႃး​ၼၼ်ႉ ၸွမ်း​ၵႃႈ​ၼင်ႇ​ဢၼ်​ႁူဝ်​ၸႂ်​မႂ်း​ၵႅၼ်ႇ​ၶႅင်​လႄႈ ဢမ်ႇ​လႆႈ​တၢင်း​ဢၼ်​ၶုၵ်း​ၸႂ်​လႆႈ​မႆႈ​ၸႂ်​ၼၼ်ႉ​ဢေႃႈ။