Popular Bible Verses from ရူဝ်းမႃႉ 3

Share

ပဵၼ်​ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ ၵူၼ်း​တင်း​သဵင်ႈ​တင်း​လူင်​ႁဵတ်း​တူႉ​ၸရိူၵ်ႈ​ဢပႅတ်ႈ​လႄႈ သရေႇ​လူႉ​ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​ယဝ်ႉ။- ယင်း​ဢမ်ႇ​ပၼ်​ၵႃႈ​မၼ်း​ၶၼ်​မၼ်း​လႄႈ လႆႈ​ႁွတ်ႈ​ထိုင်​တၢင်း​သိုဝ်ႈ​တေႃႇ​ၵွပ်ႈ​ပိူဝ်ႈ​ၵျေး​ၸူး​ၽြႃး​ပဵၼ်​ၸဝ်ႈ ၼႂ်း​တၢင်း​ဢၼ် ယေႇသူႉ​ၶရိၸ်ႈ ထုတ်ႇ​ဢဝ်​ၼၼ်ႉ​ဢေႃႈ။

ဢၼ်​ဝႃႈ​တြႃး​တၢင်း​သိုဝ်ႈ​တေႃႇ​ၽြႃး​ပဵၼ်​ၸဝ်ႈ ၵွပ်ႈ​ပိူဝ်ႈ​တၢင်း​ဢၼ်​ယုမ်ႇ​မၢတ်ႈ​ ယေႇသူႉ​ၶရိၸ်ႈ ဢၼ်​ပဵၼ်​ပုၼ်ႈ​ၶဝ်​ၸိူဝ်း​ဢၼ်​ယုမ်ႇ​မၢတ်ႈ​တင်း​သဵင်ႈ​တင်း​လူင်​ၼၼ်ႉ​လႄႈ ႁွတ်ႈ​ထိုင်​ၵႃႈ​ၼိူဝ်​ၶဝ်​တင်း​သဵင်ႈ​တင်း​လူင်​ၼၼ်ႉ​ၸိုင် ထၢင်ႇ​သႃး​မႃး​ယဝ်ႉ၊ တၢင်း​ဢၼ်​ပႅၵ်ႇ​ပိူင်ႈ​ၵၼ်​ဢမ်ႇ​မီး​သေ​ဢိတ်း။

မၼ်း​ၸဝ်ႈ​ၼၼ်ႉ​ၸိုင် ၽြႃး​ပဵၼ်​ၸဝ်ႈ​ၶၢၼ်း​ဝႆႉ ႁႂ်ႈ​လႆႈ​ပဵၼ်​လွင်ႈ​ဢၼ်​ၽေႇ​ဢပႅတ်ႈ ၵွပ်ႈ​ပိူဝ်ႈ​တၢင်း​ဢၼ်​ယုမ်ႇ​မၢတ်ႈ​ၼႂ်း​လိူတ်ႈ​မၼ်း​ၸဝ်ႈ လွင်ႈ​ၼင်ႇ​ႁိုဝ်​တၵ်း​လႆႈ​ႁႂ်ႈ တြႃး​တၢင်း​သိုဝ်ႈ​တေႃႇ​ၸဝ်ႈ​ထၢင်ႇ​သႃး​ၵွပ်ႈ​ပိူဝ်ႈ​တၢင်း​ဢၼ်​ယိူၼ်ႉ​ၶၢမ်ႇ​လႄႈ ဢမ်ႇ​မၢတ်ႈ​တူႉ​ၸရိူၵ်ႈ​ဢပႅတ်ႈ​ဢၼ်​ပူၼ်ႉ​မႃး​ယဝ်ႉ​ၼၼ်ႉ၊- ဢၼ်​ဝႃႈ​လွင်ႈ​ၼင်ႇ​ႁိုဝ်​တၵ်း​ႁႂ်ႈ​တြႃး​တၢင်း​သိုဝ်ႈ​တေႃႇ​ၸဝ်ႈ​ထၢင်ႇ​သႃး​ၼႂ်း​ၶိင်ႇ​ၵႃႇလႃႉ​တေႃႇ​မိူဝ်ႈ​လဵဝ်​ၼႆႉ ႁႂ်ႈ​လႆႈ​ပဵၼ်​ၵေႃႉ​ဢၼ် ပိၵ်ႉ​သမ်ႉ​ပွႆႇ​လွတ်ႈ​ဢပႅတ်ႈ ၶဝ်​ၸိူဝ်း​ဢၼ်​ယုမ်ႇ​မၢတ်ႈ​ ယေႇသူႉ ​ၼၼ်ႉ​သေ​ၵေႃႈ ႁဵတ်း​ၸွမ်း​ၼင်ႇ​တြႃး​ယူႇ​ၼၼ်ႉ​ဢေႃႈ။

ပိူဝ်ႈ​ဢၼ်​ပိင်း​ၺၢပ်ႈ​တြႃး ပဵၼ်​လွင်ႈ​ဢၼ်​ႁႂ်ႈ​ဢပႅတ်ႈ​တူႉ​ၸရိူၵ်ႈ​တင်း​လၢႆ​ထၢင်ႇ​သႃး​လႄႈ၊ ၽူႈ​လႂ်​တၵ်း​ဢမ်ႇ​ႁွတ်ႈ​ထိုင်​တၢင်း​သိုဝ်ႈ​တေႃႇ ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ ၵွပ်ႈ​ပိူဝ်ႈ​တၢင်း​ၵမ်​တၢင်း​ၵျၢင်ႉ​ပိင်း​ၺၢပ်ႈ​တြႃး​ၼၼ်ႉ။

ဢၼ်​မႃး​ၼႂ်း​ၵျၢမ်း​လိၵ်ႈ​လႄႈ​ဝႃႈ​ၸမ်ႉ၊ ၵေႃႉ​ဢၼ်​သိုဝ်ႈ​တေႃႇ​ဢမ်ႇ​မီး သေ​ၵေႃႉ​ၵေႃႈ​ဢမ်ႇ​မီး။- ၵေႃႉ​ဢၼ်​ႁူႉ​ဢမ်ႇ​မီး။ ၵေႃႉ​ဢၼ်​ႁႃ​ၽြႃး​ပဵၼ်​ၸဝ်ႈ​ဢမ်ႇ​မီး။- ၵူၼ်း​တင်း​သဵင်ႈ​တင်း​လူင်​ၽိတ်း​တၢင်း​ယဝ်ႉ။ ပဵၼ်​ၵေႃႉ​ဢၼ်​ဢမ်ႇ​လႆႈ​လွင်ႈ​မိူၼ်​မိူၼ်​ၵၼ်​ယဝ်ႉ။ ၵေႃႉ​ဢၼ်​ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ​ဢၼ်​လီ​ဢမ်ႇ​မီး။ သေ​ၵေႃႉ​ၵေႃႈ​ဢမ်ႇ​မီး။

ပိူဝ်ႈ​ၼႆ​လႄႈ​ၵူၼ်း​ႁဝ်း​ၼႆႉ၊ ယင်း​ဢမ်ႇ​မီး​တၢင်း​ၵမ်​တၢင်း​ၵျၢင်ႉ​ပိင်း​ၺၢပ်ႈ​တြႃး​လႄႈ ႁွတ်ႈ​ထိုင်​တၢင်း​သိုဝ်ႈ​တေႃႇ ၵွပ်ႈ​ပိူဝ်ႈ​တၢင်း​ယုမ်ႇ​မၢတ်ႈ​ဢေႃႈ​ဝႃႈ​ၼႆ၊ လႆႈ​ဢဝ်​ၼင်ႇ​ၼႆ​ဢေႃႈ။

ဢမ်ႇ​ပဵၼ်​ၸိူဝ်ႉ​ၼင်ႇ​ၼၼ်။ ၵွပ်ႈ​ႁွႆး​ၼႆႉ​လႄႈ၊ ပိၵ်ႉ​သမ်ႉ​ၵူၼ်း​တင်း​သဵင်ႈ​တင်း​လူင်​သဵတ်ႈ​ၸႃႇ​လူႉ​သေ​ၵေႃႈ ႁႂ်ႈ​သဵတ်ႈ​ၸႃႇ​ၽြႃး​ပဵၼ်​ၸဝ်ႈ တႄႇ​ယူႇ​ၵႃႈ​ၼင်ႇ​ဢၼ်​မႃး​ၼႂ်း​ၵျၢမ်း​လိၵ်ႈ​လႄႈ​ဝႃႈ၊ ၵႂၢမ်း​ဢၼ်​ၸဝ်ႈ​ႁဝ်း​မီး​ဢမိင်ႉ​ၼၼ်ႉ​သိုဝ်ႈ​တေႃႇ​တီႈ​ၶႃႈ​ဢေႃႈ။ မိူဝ်ႈ​ဢၼ်​ၸီႇ​ယၢင်ႇ​တြႃး​ၼၼ်ႉ​ၸိုင်၊ ၸဝ်ႈ​ႁဝ်း​ပႄႉ​ၼႅင်ႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​သေ​ၵမ်း။