Popular Bible Verses from ရူဝ်းမႃႉ 1

Share

ၵဝ်​ၼႆႉ​ဢမ်ႇ​မီး​တၢင်း​ဢၼ်​လီ​ဢူၵ်း​လီ​ဢၢႆ ၵွပ်ႈ​တြႃး​သတၢင်း​သိူဝ်း​ပျေႃႇ။ လွင်ႈ​မၼ်း​ၸမ်ႉ တြႃး​ၼၼ်ႉ​ပဵၼ်​တၼ်း​ၶူဝ်း​ၽြႃး​ပဵၼ်​ၸဝ်ႈ ပုၼ်ႈ​လွင်ႈ​ၼင်ႇ​ႁိုဝ်​တၵ်း​လႆႈ​ၵႄႇ​ၶျွတ်ႈ​ဢဝ်​ၵူၼ်း ၵႃႈ​ဢၼ်​ယုမ်ႇ​မၢတ်ႈ​တင်း​သဵင်ႈ​တင်း​လူင် မိူဝ်ႈ​ဢွၼ်​တၢင်း​တီႈ​ၵူၼ်း​ ယူႉတႃႉ ၊ ၵမ်း​လိုၼ်း​တီႈ​ၵူၼ်း​ ႁေႇလသႃႉ ​ဢေႃႈ။

ပဵၼ်​ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ ၵႃႈ​ၼင်ႇ​ဢၼ်​မႃး​ၼႂ်း​ၵျၢမ်း​လိၵ်ႈ​လႄႈ​ဝႃႈ၊ ၵေႃႉ​ဢၼ်​သိုဝ်ႈ​တေႃႇ​ၼၼ်ႉ​ၸမ်ႉ၊ ဢသၢၵ်ႈ​တၵ်း​လိပ်း​ၵွပ်ႈ​ပိူဝ်ႈ​တၢင်း​ယုမ်ႇ​မၢတ်ႈ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ၊ တြႃး​တၢင်း​သိုဝ်ႈ​တေႃႇ​ၽြႃး​ပဵၼ်​ၸဝ်ႈ ဢၼ်​တႄႇ​ယူႇ​ၵႃႈ​ၼႂ်း​တၢင်း​ယုမ်ႇ​မၢတ်ႈ​ၼၼ်ႉ​ၸိုင် ထၢင်ႇ​သႃး​ယူႇ ၵွပ်ႈ​ပိူဝ်ႈ​တြႃး​သတၢင်း​သိူဝ်း​ပျေႃႇ ပုၼ်ႈ​လွင်ႈ​ၼင်ႇ​ႁိုဝ်​တၵ်း​ယုမ်ႇ​မၢတ်ႈ​ဢေႃႈ။

ပဵၼ်​လွင်ႈ​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ ၶႆႈ​ၸႂ်​လူ​တူၺ်း ၶိူင်ႈ​ပိူင်​ဢၼ်​မၼ်း​ၸဝ်ႈ​ၽၢၼ်ႇ​သၢင်း​ႁဵတ်း​ပဵၼ်​ဝႆႉ​ၸိူဝ်း​ၼၼ်ႉ​လႄႈ ၶိူင်ႈ​ပိူင်​မၼ်း​ၸဝ်ႈ​ဢၼ်​တႃ​ဢမ်ႇ​ႁၼ်​လႆႈ​ဢၼ်​ဝႃႈ ထႃႇဝရႃႉ​တၼ်း​ၶူဝ်း​မၼ်း​ၸဝ်ႈ ဢိၵ်ႇ​တင်း​တၢင်း​ဢၼ်​မၼ်း​ၸဝ်ႈ​ပဵၼ်​ယူႇ​ထႃႇဝရႃႉ​ၸိူဝ်း​ၼၼ်ႉ ထၢင်ႇ​သႃး​မီး​ဝႆႉ​ယူႇ​ၸႃႉ​ၸဵမ်​မိူဝ်ႈ​ၶိင်ႇ​ၵႃႇလႃႉ​ၵမ်ႇ​ၽႃႇ​ၸႃႉ​တႄႇ​ၼၼ်ႉ​ဢေႃႈ။ ပိူဝ်ႈ​ၼႆ​လႄႈ​ၶဝ်​ဢမ်ႇ​ႁူမ်ႇ​ဢပႅတ်ႈ​ၶဝ်​ဝႆႉ​လႆႈ။

လွင်ႈ​မၼ်း​ၸမ်ႉ ၶဝ်​ၼၼ်ႉ​ႁူႉ​ၽြႃး​ပဵၼ်​ၸဝ်ႈ​ယူႇ​သေ​ၵေႃႈ၊ ၵႃႈ​ၼင်ႇ​ဢၼ်​ထုၵ်ႇ​လီ​ယွင်ႈ​ယေႃး​ၽြႃး​ပဵၼ်​ၸဝ်ႈ​ၼၼ်ႉ​ၶဝ်​ဢမ်ႇ​ယွင်ႈ​ယေႃး ၵျေး​ၸူး​ၸဝ်ႈ​ၵေႃႈ​ၶဝ်​ဢမ်ႇ​ႁူႉ​ဢမ်ႇ​တွင်း ၶဝ်​ႁွတ်ႈ​ထိုင်​တၢင်း​ဢၼ် ၶႆႈ​ၸႂ်​လူၺ်ႈ​လွင်ႈ​ဢၼ်​ဢမ်ႇ​ပွင်ႇ​လွင်ႈ​ၵႃႈ​သင် ဢိၵ်ႇ​တင်း​တၢင်း​ဢၼ်​ႁူဝ်​ၸႂ်​ဢမ်ႇ​မီး​သတီႉ​လႄႈ မိူၵ်ႈ​လပ်း​သိင်ႇ​ၸိူဝ်း​ၼၼ်ႉ​ဢေႃႈ။

ၶဝ်​ၼၼ်ႉ​ဢဝ်​လွင်ႈ​တၢင်း​ဢၼ်​မၢၼ်ႇ​ဢၼ်​မႅၼ်ႈ​ၽြႃး​ပဵၼ်​ၸဝ်ႈ လႅၵ်ႈ​ဢဝ်​ဢၼ်​ဢမ်ႇ​ၸိုဝ်ႈ​ဢမ်ႇ​ၸႂ်ႈ ဢၼ်​ပိူင်ႈ​ဢၼ်​လွႆး​ၼၼ်ႉ​လႄႈ ပႄႇ​ပႅတ်ႈ​ၸဝ်ႈ​ဢၼ်​ၽၢၼ်ႇ​သၢင်း​ႁဵတ်း​ပဵၼ်​ၼၼ်ႉ​သေ​ယဝ်ႉ၊ ႁဵတ်း​ဝၢတ်ႈ​ၵူဝ်း​ၵႂၢႆႇ​ၶိူင်ႈ​ပိူင်​ဢၼ်​မၼ်း​ၸဝ်ႈ​ၽၢၼ်ႇ​သၢင်း​ႁဵတ်း​ပဵၼ်​ဝႆႉ​ၼၼ်ႉ​ဢေႃႈ။ မၼ်း​ၸဝ်ႈ​ၼၼ်ႉ​ၸမ်ႉ၊ မီး​မင်ႇၵလႃႇ​ထႃႇဝရႃႉ​ဢေႃႈ။ ဢႃႇမိၼ်ႇ။

တၢင်း​ၸႂ်​မႆႈ​ၶႆႈ​ၸႃႉ​ၽြႃး​ပဵၼ်​ၸဝ်ႈ ယူႇ​ၽၢႆႇ​ၼိုင်ႈ​တင်း​ဢမူႉ​ဢၼ်​ဢမ်ႇ​ၼပ်ႉ​ဢမ်ႇ​ၶၢၼ်း​ၽြႃး​ပဵၼ်​ၸဝ်ႈ ဢမူႉ​ဢၼ်​ပူၼ်ႉ​လိူဝ်​တြႃး ၵူႈ​ၸိူဝ်ႉ​ၵူႈ​ပိူင်​ဢၼ်​ၶဝ်​ၸိူဝ်း​ဢၼ်​ႁဵတ်း​ဢႃႉထမ်ႇမႃႉ​ႁႄႉ​ၶႅၼ် သမ်ႇမႃႇ​တြႃး​ၼၼ်ႉ​ယူႇ​သေ​လႄႈ ထၢင်ႇ​သႃး​မႃး​ယူႇ​ၵႃႈ​ၼိူဝ်​ၵၢင်​ႁၢဝ်​ဢေႃႈ။

ၵွပ်ႈ​ပိူဝ်ႈ​ဢၼ်​ႁဵတ်း​ၸိူဝ်ႉ​ၼင်ႇ​ၼႆ​လႄႈ ၽြႃး​ပဵၼ်​ၸဝ်ႈ​ဢဝ်​ၶဝ် ဢၢပ်ႈ​ပၼ်​ၼႂ်း​မိုဝ်း​ၵီႉလေႇသႃႇ​ဢၼ်​လီ​ၵူဝ်​လီ​ဢၢႆ​ၼႃႇ​လူင်​လၢင်​ၼၼ်ႉ​ဢေႃႈ။ လွင်ႈ​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ ၽူႈ​ယိင်း​ၶဝ်​ပႅတ်ႈ​ဝႆႉ​ထုင်း​ၸၢမ်ႇ​ပၵတီႉ​သေ​လႄႈ ၸွမ်း​ဢဝ်​ထုင်း​ၸၢမ်ႇ​ဢၼ်​ၶတ်း​ၵၼ်​တင်း​ပၵတီႉ​ဢေႃႈ။- မိူၼ်​ၼင်ႇ​ၼႆ၊ ၽူႈ​ၸၢႆး​ၶဝ်​ၵေႃႈ​ပႅတ်ႈ​ဝႆႉ​ထုင်း​ၸၢမ်ႇ​ပၵတီႉ တၢင်း​ဢၼ်​သိူၵ်ႈ​သမ်ႇ​ၵၼ်​တင်း​ၽူႈ​ယိင်း​သေ​လႄႈ ပိူဝ်ႈ​ဢၼ်​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ၸႂ်​ၵီႉလေႇသႃႇ​မႆႈ​ၼႃႇ​လူင်​လၢင်​ၼၼ်ႉ၊ ၽူႈ​ၸၢႆး​ၼင်ႇ​ၵၼ်​ႁဵတ်း​လွင်ႈ​တၢင်း​ဢၼ်​လီ​ၵူဝ်​လီ​ဢၢႆ​လႄႈ လႆႈ​ၶၢမ်ႇ​တၢမ်ႇ​ဢပႅတ်ႈ​တူဝ်​ၸဝ်ႈ​ၵဝ်ႇ ၵႃႈ​ၼင်ႇ​ဢၼ်​ထုၵ်ႇ​ၵၼ်​တင်း​တၢင်း​ဢၼ်​ၶဝ်​ၽိတ်း​ပိူင်ႈ​ၼၼ်ႉ​ဢေႃႈ။ ပိူဝ်ႈ​ဢၼ်​ၶဝ်​ဢမ်ႇ​ၶႂ်ႈ​ႁူႉ​ၶႂ်ႈ​တွင်း​ၽြႃး​ပဵၼ်​ၸဝ်ႈ​လႄႈ ၽြႃး​ပဵၼ်​ၸဝ်ႈ​ဢဝ်​ၶဝ်​ဢၢပ်ႈ​ပၼ်​ၼႂ်း​မိုဝ်း​မေႃး​ႁႃႉ တၢင်း​ဢၼ်​ၸႂ်​မိူၵ်ႈ ႁႂ်ႈ​ၶဝ်​လႆႈ​ႁဵတ်း​လွင်ႈ​တၢင်း​ဢၼ်​ဢမ်ႇ​လီ​ဢမ်ႇ​ထုၵ်ႇ​ၼၼ်ႉ​လႄႈ၊

ႁဵတ်း​ၼင်ႇ​ႁၢင်ႈ​မီး​ပိင်ႇ​ၺႃႇ​လႄႈ တႄႇ​ယူႇ​ၼႂ်း​ဢရႃႇ​ၵူၼ်း​မိူၵ်ႈ​ဢေႃႈ။- ပႄႇ​ပႅတ်ႈ​မုၼ်​ၽုင်း​ၽြႃး​ပဵၼ်​ၸဝ်ႈ ဢၼ်​ဢမ်ႇ​ၸၢင်ႈ​ၽွၵ်ႈ​ပျၢၼ်ႇ​လူႉ​လႅဝ်​ၼၼ်ႉ​သေ​လႄႈ ဢဝ်​ရုၵ်ႈ​ထူႉ​ႁၢင်ႈ​ၵူၼ်း​ဢၼ်​ၸၢင်ႈ​ၽွၵ်ႈ​ပျၢၼ်ႇ​လူႉ​လႅဝ်၊ ရုၵ်ႈ​ထူႉ​ႁၢင်ႈ​ၸႃႉ​ၸဵမ်​ၼူၵ်ႉ​လႂ်၊ သတ်း​ဢၼ်​မီး​တိၼ်​သီႇ​ၶွၼ်​လႂ်၊ တရိၵ်ႈသၢၼ်ႇ​ဢၼ်​ၸၢင်ႈ​ၵႂႃႇ​ၸၢင်ႈ​ၵၢၼ်း​လႂ် ၸိူဝ်း​ၼၼ်ႉ ယွင်ႈ​ဝႆႉ​ၼႂ်း​ဢရႃႇ​မၼ်း​ၸဝ်ႈ​ဢေႃႈ။