Popular Bible Verses from WANGEELA MAATEWOS 24

Share

Seera malee jiraachuun waan baay'atuuf, jaalalli namoota baay'ee qabbanaa'aa in adeema*. Namni hamma dhumaatti jabaatee dhaabatu garuu in fayya*.

Saba hundumaatti akka dhugaa ba'uuf, wangeelli mootummaa kun guutummaa biyya lafaatti in lallabama; kana booddees dhumni in dhufa? jedhe*.

Lolaa fi oduu lolaa dhaga'uuf jirtu, akka hin naanetti ilaaladhaa! Kan akkasii kun ta'uun irra jira; kun garuu amma illee dhuma isaa miti.

Sabni saba irratti, mootummaanis mootummaa irratti in ka'a; beelli, socho'i lafaas iddoo adda addaatti in ta'a*. Wanti kun hundinuu garuu jalqaba ciniinsuu ti.

Waaqnii fi lafti darbuuf jiru; dubbiin koo garuu gonkumaa hin darbu? jedhe*.

Baay'een, ?Ani Masiihii dha? jechaa maqaa kootiin in dhufu, namoota baay'ees in wallaalchisu*.

?Yommus rakkinatti dabarsanii isin in kennu; isin in ajjeesu; anaaf jettanii saba hundumaa biratti kan jibbamtan in taatu*. Yeroo sanatti namoonni baay'een in gufatu, walii isaaniis dabarsanii wal kennu, walis in jibbu. Raajonni sobduun baay'een in ka'u; namoota baay'ees in wallaalchisu*.

Yesus immoo deebisee, ?Homtinuu akka isin hin wallaalchifnetti akeekkadhaa*!

Kanaaf isinis immoo qophaa'oo ta'aa! Ilmi namaa yeroo isin quba hin qabaatinitti in dhufa? jedhe*.

Kanaafis gooftaan keessan yoom akka dhufu hin beektan, dammaqaa*!

Yesus itti dabalee, ?Guyyicha sanaa fi yericha sana garuu abbaa koo duwwaatu beeka malee, ergamoonni waaqa irraa, ilmis, namni tokko illees kana hin beekan*.

Masiihonni sobaatii fi raajonni sobaa ka'anii yoo danda'ame warra Waaqayyoof fo'aman iyyuu akka wallaalchisaniif milikkita gurguddaa fi dinqii baay'ee in argisiisu*.

Bara Nohitti akkuma ture, bara dhufa ilma namaattis akkasuma in ta'a*. Bara sana bishaan badiisaa dura, hamma gaafa Nohi markabatti galetti, namoonni nyaachaa, dhugaa, fuudhaa, heerumaas turan. Isaan hamma gaafa bishaan badiisaa dhufee hunduma isaanii haree sokketti, utuu hin beekin akka turan, bara dhufa ilma namaattis akkasuma in ta'a*.