Popular Bible Verses from WANGEELA LUQAAS 7

Share

Kanaafis sittan hima, jaalalli ishee inni guddaan kun, cubbuun ishee inni baay'een akka dhiifameef mul'isa; xinnoon kan dhiifamuuf garuu, jaalala xinnoo argisiisa? jedhe. Yommusuma dubartittiidhaan, ?Cubbuun kee siif dhiifameera? jedhe.

Kana booddee Yesus dubartittiidhaan, ?Amantiin kee si fayyiseera, nagaadhaan dhaqi!? jedhe*.

Achumaanis boo'aa gara miilla isaa jalaa dhaabatee, imimmaan isheetiin miilla isaa jiisaa, rifeensa mataa isheetiinis haxaa'uu jalqabde; kana booddees miilla isaa in dhungatti, urgooftuus in dibdi turte*.

Kanaafis ani ofii koo si bira dhufuun akka anaaf ta'utti of hin lakkoofne; achumaa dubbii tokkicha duwwaa dubbadhu, naa'oon koos in fayya. Anis immoo of irraa nama na abboomu qaba, of jalaas loltuu qaba. Isa tokkoon dhaqi yoon jedhe in dhaqa, isa kaaniinis kottu yoon jedhe in dhufa; naa'oo kootiin kana raawwadhu yoon jedhe in raawwata? jedhe. Yesus kana yommuu dhaga'e dinqifatee, namoota isa duukaa jiranitti gara galee, ?Ani Israa'el keessatti illee amantii guddaa akkasii gonkumaa hin argine? jedheen.

Yeroodhuma sanatti Yesus namoota baay'ee dhukkuba isaaniittii dha'icha isaaniittii hafuurota hamaattiis fayyise; jaamota baay'eetiif agartuu isaanii bane. Warra ergamaniinis, ?Deebi'aa, waan argitan waan dhageessanis Yohannisitti himaa! Kan jaaman in argu, kan hokkolan in adeemu, kan lamxaa'an in qullaa'u, kan duudan in dhaga'u, kan du'anis in ka'u, gadadamootaafis wangeelli in lallabama*.