Popular Bible Verses from Seera Ba'uu 3

Share

Waaqayyo deebisee Museedhaan,<<Ani<<Isa jiraataa dha>> ati immoo saba Israa'eliin,<<Inni jiraataan isinitti na ergeera>> in jetta*.

Waaqayyo immoo Museedhaan,<<Ani sii wajjin nan ta'a; ati saba sana biyya Gibxiitii yommuu baaftu, tuulu kana irratti Waaqayyoof sagaduuf jirtu; si erguu kootiifis kun milikkita siif in ta'a>> jedhe*.

Ammas Waaqayyo,<<As hin dhi'aatin! Iddoon ati irra dhaabattee jirtu lafa qulqullaa'aa waan ta'eef, kophee miilla keetii baafadhu!>> jedhe*.

Yommus Waaqayyo,<<Gad qabamuu saba koo warra Gibxi jiranii argeera; isa isaan warra humnaan isaan hojjechiisan jalaa ba'uudhaaf iyyatanis dhaga'eera; dhiphina isaaniis ani beeka*; ani harka warra Gibxii keessaa isaan baasuudhaaf gad bu'eera; biyya sana keessaa gara biyya gaariitti, biyya bal'aatti, biyya aannanii fi damma baasutti, lafa Kana'aanotaa, Heetotaa, Amoorotaa, Pheriizotaa, Hiiwotaa, Yibusootaattis ol isaan nan baasa.

Achitti ergamaan Waaqayyoo arraba ibiddaa isa huuxxii qoraattii tokko keessaa boba'u keessatti Museetti mul'ate; Museenis gara huuxxii qoraattichaa ilaalee, kunoo, huuxxicha irratti ibiddi in argama ture, garuu hin gubanne*.

Ani mootii Gibxiitti sin erga, dhaqi, saba koo Israa'elin biyya Gibxiitii baasi!>> jedhe.