Popular Bible Verses from መልእክተ ጴጥሮስ 2 3

Share

ኢያጐነዲ እግዚአብሔር ቃለ ዘነበበ እስመቦ እለ ይብሉ ከመ ይጐነዲ ወባሕቱ ይትዔገሥ በእንቲኣሆሙ እስመ ኢይፈቅድ መነሂ ያማስን አላ ይነስሑ ለኵሉ ሰብእ ያርሕብ።

ወዘንተ ባሕቱ ኢትርስዑ አኀዊነ እስመ አሐቲ ዕለት በኀበ እግዚአብሔር ከመ ዐሠርቱ ምእት ዓመት ወዐሠርቱ ምእት ዓመት ከመ አሐቲ ዕለት።

ተባዝኁ በእግዚእነ ወበአኰቴቱ ለኢየሱስ ክርስቶስ መድኃኒነ ወእግዚአብሔር አብ ዘሎቱ ስብሐት ይእዜኒ ወዘልፈኒ ወለዓለመ ዓለም አሜን። መልአት መልእክተ ጴጥሮስ ዳግሚት። ወስብሐት ለእግዚአብሔር አሜን።

ወዕለቱሰ ለእግዚአብሔር ግብተ ትመጽእ ከመ ሰራቂ እንተ ባቲ ሰማያትኒ ይትረኀዋ ወይሴስላ ወኵሉ ፍጥረት ዘቀዲሙ በውዕየተ እሳት ይትመሰው ወምድርኒ ወኵሉ ዘላዕሌሃ ግብር ይውዒ።

ወዝንቱ ኵሉ ተመሲዎ ጐጕኡ ከመ ተሀልዉ በምግባር ቅዱስ ዘጽድቅ። እንዘ ትሴፈዉ ዕለተ ምጽአቱ ለእግዚአብሔር እንተ ባቲ ሰማያትኒ ይረስና ወይትመሰዋ ወኵሉ ፍጥረት ይውዒ ወይትመሰው።