Popular Bible Verses from መልእክተ ጴጥሮስ 2 2

Share

ናሁኬ አእመርነ ከመ እግዚአብሔር ይክል አድኅኖቶሙ እምነ መንሱት ለጻድቃን ወለኃጥኣንሰ ዕለተ ደይን ትጸንሖሙ ለተጽዕሮ።

እምኀየሶሙ ሶበ ኢያእመርዋ ለፍኖተ ጽድቅ እምያእምርዋ ወይግብኡ ድኅሬሆሙ እምእንተ ተውህበት ሎሙ ትእዛዝ ቅድስት። ወበጽሐቶሙ አምሳል እንተ መሰሉ በጽድቅ እንተ ይቤ ከልብ ገብአ ዲበ ቅያኡ ወሐራውያኒ ተኀፂባ ገብአት ዲበ ጸብር።

እለ ሕገ ግዕዛን ተምህሩ ወለሊሆሙኒ ቅኑያን ለሕርትምና እስመ ኵሉ ለዘተአዘዘ ውእቱ ይትቀነይ።

እስመ ጐዩ እምኀጢአቱ ለዝንቱ ዓለም በአእምሮቱ ለእግዚእነ ወመድኀኒነ ኢየሱስ ክርስቶስ ወገብኡ ዳግመ ወተፀፍሩ ወተቀንዩ ሎቱ ወይከውኖሙ ደኃሪ ጌጋዮሙ እምነ ቀዲሙ ዘየአክዮሙ።

ወቦ ባሕቱ ሐሳውያነ ነቢያት ማእከለ ሕዝብ ከመ እለ ሀለዉ ማእከሌክሙ ወውስቴትክሙ እለ ሐሰተ ይሜህሩ ወእለ ካሕደ ያበውኡ ለሕርትምና ወይክሕድዎ ለእግዚኦሙ ዘተሣየጦሙ በደሙ ወያመጽእዎ ላዕሌሆሙ ፍጡነ ለሙስና ወለተሠርዎ።