Popular Bible Verses from መልእክተ ዮሐንስ ሐዋርያ 1 1

Share

ወእመሰ ነገርነ ወአመነ ኀጢአተነ ምእመን ውእቱ ወጻድቅ ከመ ይኅድግ ለነ ኀጣውኢነ ወያነጽሐነ እምኵሉ አበሳነ።

ወእመሰ ውስተ ብርሃን ነሐውር በከመ ውእቱ ብርሃን ሱቱፋን ንሕነ በበይናቲነ ወደሙ ለኢየሱስ ክርስቶስ ያነጽሐነ እምኵሉ ኀጣውኢነ።

ወእመሰ ንብል አልብነ ኀጢአት ንጌጊ ለርእስነ ወአልቦ ርትዕ ኀቤነ።

ወዛቲ ይእቲ ዜና እንተ ሰማዕናሃ ትካት እምኔሁ ወንዜንወክሙ ከመ እግዚአብሔር ብርሃን ውእቱ ወጽልመትሰ አልቦ ኀቤሁ ወኢአሐተኒ። ወእመሰ ንቤለክሙ ብነ ሱታፌ ምስሌሁ ወውስተ ጽልመት ነሐውር ንሔሱ ወኢንገብራ ለጽድቅ ወለርትዕ።

ወእመሰ ንቤ ኢአበስነ ሐሳዌ ንሬስዮ ሎቱ ወቃሉኒ ኢሀሎ ኀቤነ።