Popular Bible Verses from Homa 13

Share

Ai‑ka hidi i‑di Yeso Kirisito atibodi yama hini kobohina‑nima dai atibodi kobonahi. Dai atibodi bote yama hinofa tamine‑ya dai kadikariyahi. Dai atibodi bote ati‑nima dai riyahi.

Yama dai kanika, manakone dai nanahaba kanibote nahi. Mai‑ka yinero dai kayafe, manakone dai daatonama kanibote nahi. Mai dai nofabone Deoso ati ne, mai dai nofahi. Mai dai nofi yokana toha, Deoso ati‑nima dai teni.

Kofeno‑ka mai ati dai tokadabahi. Deoso ene kofeno‑ka mai toha, Deoso mai‑ya kasomare‑mana, mai ati kitara neni.

Yama soki‑nima mai dama mai ihi tohasa nineni. Dai‑ta yama soki‑ya mai wi‑wina mai ihi‑nima dai ene riyahi. Dai ene amosahi. Yama wahabisari‑ya mahi kaki nahore ai wato, fare‑nima hibayata Yeso koboni nahorebona ai watoharine. Deoso‑ka bora kita dai sakona, Yeso kobonebona dai‑ya dai hawa toniheboneni. Yama wahi yanatoni‑ya Sodado mai‑ka bora kita‑ya mai sakona, mai hawa tohabone, mai‑nima Deoso‑ka bora kita dai sakonahi.

Mai dai nofa, mai atibodi dai nakomarabone, Deoso atibodi yama kobohina‑nima dai ene naboneni.

“Yinero‑ya mai haana, mai ati dai tokadabahi.” Deoso ati ne. Mai ati dai tokadabahi. Mai dai kasomabone mai ati na, mai dai kasoma, mai tamine amosa dai kamina dai nahi.