Popular Bible Verses from Homa 12

Share

Deoso ati‑ya mai nofara mai‑nima dai riyahi. Yama amosa hinama tamine‑ya dai atibodi kadikabisahi. Fara yama amosa dai kadikiya, dai ene amosawamabone, yama Deoso hinofa‑ya dai watabone, dai ene Deoso dai ya‑yainiheboneni.

Yodeo dai toha, Bara dai toha, dai na, oka soho dai amani. Owati dai mitahi. Deoso dai‑ya kasomi nafi ene Deoso‑ya dai‑ya dai daanahi. Hibati‑ya Deoso‑ya mai kahiyarabone, Deoso mai‑ya kayafebona, bani‑ya mai nanahaba, Deoso‑ya bani‑ya mai daanameteni. Deoso dai‑ya kayafemari, fara dai‑ta dai abara, dai hasina, Deoso‑ya dai‑ya dai daanahi, Deoso ati‑ya dai tokadababonehe. Haa‑nima dai ene niya, Deoso ya‑yainebonane.

Deoso‑ka yama dai kayafabone ati ne, yama‑ya dai nimana, dai ya‑yainahi. Dai‑ya mai bisina, dai yawarihi. Deoso‑ya dai hiyaranadihi.

Dai‑ya mai ihi amosara mai ihi‑nima dai ene riyahi. Hiniya mai dai kasomiya, Deoso ati‑ya mai nofawahaba awineni.

Yeso‑ka dai toha dai‑ka soho dai nofi‑nima dai ibi nofa, mai ihi amosa mai dai kahiyarahi.

Mai‑ya dai ati nofa, mai‑ya dai nofi yokana tohahi. Yama towe‑ya dai kaka, yama amosa‑ta dai nokotonibisahi.

Dai ati soma, dai‑ya mai weena, mai dai weeriyahi.

Oka soho dai toha, dai‑ya onofi nafe, dai‑ya mai ihi amosara, mai‑ya dai ene amosabisahi. Deoso‑ka yama hani ati dai awahi. “Mai manakone amosara‑ya daa·onaboneni.” Deoso ati ne, fare mai manakone‑ya daanebonane.

Deoso ati‑ya dai nofa dai refo tohariyahi. Dai hawihi. Deoso‑ka yama anini dai kitahi.

Deoso owa‑ya kadikemarine, dai‑ya okanawatabonehe. Owati dai mitahi. “Amosabotebisa ama·oni.” Dai ati riyahi. Yeso ati dai nofa Deoso dai‑ya kasome, dai‑ya kanawato‑nima dai atibodi dai‑ya kadikabisahi. Deoso ene yama‑ya dai wa‑wato, Deoso ene dai ya‑yainibisa, hini dai‑ya dai kahiyarariyahi.

Dai‑ya mai ihi amosara, mai‑ya dai ene amosabisa. Dai ene‑ya mai one awiya, dai ene amosa‑ya mai watowahaboneni.

Hini dai‑ka yama‑bone‑ya dai nokotini ohaririyahi. Dai atibodi fara hinama tohahi. Dai one‑ka yama‑bone dai nokotoniharihi. Yama‑ya mai kihara mai‑ya tisawiyahi. Tiwa‑ta tinofabisa tiriyahi.

“Dai‑ya mai kaka mai fime, mai tafe‑ba dai daa, mai baki hoka, mai‑ka faha‑ba dai daa niya, hini mai‑ya mai atibodi weeniya, mai atibodi komaboneni.” Deoso‑ka yama hani ati nineni.

Dai‑ya mai bisina, mai dai kasoma, dai ati ene Deoso mai‑ya kasomabise, mai‑ya nakomarayaho. Mai ya‑yaina mai eyehe dai ya‑yainahi. Mai ohina mai eyehe dai ohinahi.

Yeso ati‑ya mai no‑nofa yama‑ya mai one kihara, mai dai kasoma, mai‑ka yama‑ba dai daanahi. Mai a‑amo‑ke mai‑ka yobe awire, tika yobe‑ya mai amonahi.

Ai yehe, ai teme, ai nokobodi, ai narabo na, ai‑ya kobobona, ai yehe ene‑nima ai teme ene rihi. Ai nokobodi ene‑nima ai narabo ene rihi teni. Fara‑nima Yeso ati ai no‑nofa Deoso‑ka ai dami toha, ai ene fara hinama tohatera ai abano ohare‑ta ai toha ai nineni.