Popular Bible Verses from Homa 14

Share

Deoso ai‑ka hidi tohe, yama ai kaba, yama ai fawa na ihi Deoso ya‑yaini awirihi, yawi awirihi nane. Deoso‑ka Doni ai‑ya sawi, ai ene amosa, ai ati soma, ai ya‑yai na ene Deoso ya‑yaitene. Fara haa‑nima ai toha, Kirisito‑ka yama anini‑ya ai anina, Deoso ai‑ya kayafebona, ai‑ya mai one nofaboneni.

Bofe‑ya ai hasinasa niya, Kirisito ai kahiyara, ai abawaha, Deoso tabaro‑ya ai tokabone Kirisito ai kahiyara, ai naboneni. Kirisito‑ka ai toha ai hasi ai aba na, Kirisito ai kahiyara teni.

Ai ene mai ibi nofi nafe, mai ibi kasomiyahi.

Deoso mai ihi hikadikabone, mai ihi dai kadikariyahi. Yeso hawine‑ya mai yakana, dai ene‑ya mai awiya, dai ene amosara‑mone mai ati na, dai ene mai taratokanaba awineni. Dai ene mai taratokariyahi.

Hibati‑ya Yeso ati‑ya i‑di Isa·iya kanahano, “Okitamiya, neme‑ya owinamatasiya, owa noko‑ya mai yobati‑kaya mai nafi nahabone, mai moikanisa, ‘Deoso amatini.’ Mai nafi ati naboneni.” Ati ne. Ati‑ya i‑di Isa·iya kanahanomatane, Deoso‑ka yama hani‑ya. Ai nafi ai ene‑ya ai kaminaboneni, Deoso‑ya.

Yeso ati‑ya mai nofa, Yeso ati‑ya mai wato bi‑bidi na mai dai nofa, dai‑ya mai dabiya, yama mai hiwatora tamine‑ya mai dai weeriyahi.

Yeso ati‑ya mai nofa, ati mai hiwato bi‑bidi hine, Yeso Kirisito‑ya mai na‑narifa mai amani. Ai owa‑ya mai na‑narifa mai ihi ai kadikara, mai‑ka hidi mai ihi‑ya kadikabisatene. Kirisito‑ya mai na‑narifa mai ihi hikadikabone, mai hikasomaboneni, mai ihi amosabonehe.