Popular Bible Verses from Luka 7

Share

Mwe mumwo nkuti amalandu gakwe gaswililwe ge minji, shʼakunzitʼishikunzi she shinji. Nkandʼuno we gaswililwe mansi vwelele, wʼakukundʼishikunzi shinsi. Pʼahamuvuzyʼumwantanda ahati: Uswililwʼamalandu gaho.

Pʼuwenʼahamuvuzyʼumwantanda ahati: Lukuposile lwe lwitiho lwaho. Valaga nuvwihalo.

Ahavalʼukwimilila kuṿinama mwisinda, ahakutʼamansozi. Amansozi ahazwilizya muṿinama ṿwakwe. Havili ahasyumula muṿinama ninsisi zya kwitwe lyakwe, ahaṿifipa, ahaṿipaha namafuta.

Zye zizyo ntili kutankondeyʼukwinza kukwaho Ukwo ine ndali, yangaga lye lizwi lyeka, pʼakuzuzuvuhʼumunyamata wanʼuno. She ne muntu vwelele nane, mbisilwe kuṿinama kuvapiti, nane ndi navasikali kuṿinama ṿwane, ilelo inga nkuyanga kuli woka nkuti: Valaga kuvulive, pʼakuvala; kuwamwavo: Nzagagʼuku, pʼakwinza; kumunyamata wane: Vombagʼahalive, pʼakuvomba. UwenʼuYesu lwʼayiṿuye zinizi, pʼahamusukumila, ahavashevela ve vamulanditʼimpuga yonti, ahati: Nkuvavuzyʼimwe, nalyoli ulwitiho inzʼulu ntalwazile mwa Yisilayili umu.

Pahavalilizyo huho ahavazuzuvushizyʼavinji nimpungo zyonti nuvuvinu vwonti nave vali nimpepʼimbivi, navantonkʼavinji ahavapʼukwenya. Pʼahavamula ahavavuzya ahati: Muvale, muhamuvuzyʼuYohani nazye mukwenya nazye mukwiṿwa ukuti: Avantonko vakwenya, ve vakudyogolela vakujenda, avamambombo vasofilʼumuvili, avakutwi vakwiṿwa, avafwe vakuzyuha, avasamusu vakwiṿwʼintumʼinyinza