Popular Bible Verses from Luka 8

Share

Iyene nyene iya pansi nyinza, ve vuvo ve vakulinga viṿuye, pʼizwi vakuva nalyo mumoyʼaminza amagolosu, vakujenda nukuhomʼinsanga mwe muvusitamulaha.

Iyene yʼihasangana nulwangwa lwe yagwa, ve vuvo ve vakulinga viṿuye, pe havili vakujenda nuvukutano nuvulonsi nuvunonu vwa vulanzi zye vakwaga zikuvabuda, ilelo pe ninsanga zitakwela nazimo kukwavo.

Vanava nyenʼava piyalavwe, ve vuvo ve vakulinga viṿuyʼizwi, pe vakujenda nukuseshela ukuliposhela. Avenʼamazi vate nago, ulwitiho lwavo lwe lwakuvaholʼisiku lyoka vwelele. Nkandʼinga zyinzilʼizya kuvalinga, pe valigalamuha.

Uwenʼahavavuzilizya ahati: Ulwitiho lwinyu luli kwi? Avene vahatetema nukusukumila, vahavuzilizanya vahati: Mwati unanu wununo? She naye nkungu nage minzi gakumusajila zyengʼakuhomelezya.

Vanava ve vali papipi nidala, ve vuvo ve vakwiṿwa, ilelo havili umukwalanzi akwinza akusompolʼizwi mumoyo gavo, shʼakuti valipona lwe livahozile.

She litalipo nalimo lye liṿwamile lye litalivumbuhʼapazelu; havili nalimo lye lizyihime lye litalikupulwa nukulolehʼapazelu.

Ilelʼumwantanda lwʼayazile ukuti vakumwaga, pʼahapalamila kukwakwe shʼakutetema, ahasugamila, ahayanga lwe vakwiṿwa vontʼavantu zizyo zye zyatili amupalamansye, nazizyo zya kuzuzuvuha luvilo luvilo. Uwenʼahamuvuzya ahati: We mwana wane we, lukuzuzuvushizizye lwe lwitiho lwaho. Valaga nuvwihalo.

Pʼavene vahamwinzila, vahamudamusya, vahati: Mwene, Mwene, tukulova. Pʼuwenʼahavuha, ahapililʼinkungu namavilingwa ga minzi, pe gahapuma, kuhatehama kunzi.