Popular Bible Verses from Luka 6

Share

Simuvapanjʼiṿwa kuvapʼavantu, pe valivapanga yimo namwenemwe. Mulipelwa iṿwa mushilinjilo iShinza ishihanyile ishisindile she shikulafuha pavwambililo vwa menda ginyu. She shifinjile shisho she mukuvalinjilʼavanji, she mulilinjilwa shisho namwenemwe.

Umuntʼumwinza akuvumbula zye nyinza mwʼalunzite vwe vwinza mumwoyo wakwe. Uwenʼumuntʼumuvivi akuvumbula zye mbivi mwʼalunzite vwe vuvivi mumwoyo wakwe. She mwilomʼumu mwʼumuntu akuyanga zye zikulafuha mumwoyo wakwe.

Nkandi simukundʼavalugu vinyu, muvavombelʼavantʼinyinza, muvapavile niṿwa kuvapavila shisitakusuvila ukuti valivagalushizya yimo, pe niṿwa kuvalipilʼimwe ṿilivʼiṿwinji, muliva mwe vana va Mulusyi, shʼuwene mutonsu nakulʼava ve vatakusalifwa kukwakwe nakuvanyala.

Mwe mumwo muve nulupepelezyo, inza she wope nuSo ali nulupepelezyo.

Mutalongaje, pe namwe mutalilongwa. Mutamuyanjilʼahavivi numʼumuntu, pe namwe numʼatalivayanjilʼahavivi. Muvaleshele venga vali namalandu kumwinyu, pe namwe mulileshelwa namalandu ginyu.

Imwe nyene mwe mukutejelezya nkuvavuzyʼine nkuti: Simukundʼavalugu vinyu, muvavombelʼuvwinza vuvo ve vavapasite, muvalote ve vakuvatipa, muvalavile ve vakuvaligʼimwe.

Zyonti zyenga mukwanzʼukuti avantu vavavombelʼimwe, zye vope muvavombelaje zizyo namwenemwe.

Uno wengʼakukukanza nikofi pavudili vwoka, wʼumupanje nuvwamwavo vwope. Uno wengʼakufwulʼinkanzu yaho, wʼutasitilaje nalye lishati lyaho. Vonti venga vakulavʼiṿwa kulava kukwaho, vʼuvapanje. Uno wengʼakufwulʼiṿwaho, wʼutamulanduzye.

Nalimʼikwʼilyinza lye likuhomʼinsangʼimbivi. Nalimʼikwi lye livivi likuhomʼinsangʼinyinza.

Gontʼamakwi gakumanyiha pansanga zyakwe. Shʼamakunyu vatakutonola palwangwa, gope namampensya vatakuyavila pantolomṿu.