Popular Bible Verses from Malëkë 13

Share

Bakë booso bëluleendë mu cibilë cyaami miinu. Kasi wunë wun'ciimbë moonyi, tee fanë siitu, wun'vuukë. »

Kebaanu! Zungululaanu, cibilë lusye zaabë ko cilumbu cyo mamoomë mëvanganinë.

Ningë ti balubwiilë mu kulunatë fë ntwaalë cinzonzi, keelë lulëbaanu ntetë lusweenu mu manë lufwenikini kutubë, vandi kasi lwe tubyaanu mëbuungu manë bëluvaanë mu ntaangu be yiina, cibilë mëbuungu misë n'fuminë kuve ke beeno, kasi ke Ciluunzi ci Saantu.

Liyilu i n'toto bin'vyookë, kasi mëbuungu maami mësë n'vyookë ko. »

« Boobo muutu ve wunë wuzabisi cilumbu i zoolë keti siyaanzi ku mëyilu, yi keti naveekë Mwaanë, wo Taatë vwiili wulizabisi.

Bunë lun'kuwaanu ncyeembi yi mëvitë mëbelëmë i mëlolombi yi mëvitë më cinaanu, lwe bacyaanu boomë ko. Fwenikini mamoomë kuvangënë, vandi kasi kusë mba situkulu buloongo be buubu ko.

Lyabwiilë obo, zungululaanu, cibilë beeno lusye zaabë ko ntaangu yo Fumu n'zo wun'kwisilë. Nkanë lim'podi kuba yi mësikë, kaambofo fë katyaasi ku bwiilu, kaambofo mu bicyecyelu bi bwiisi, kaambofo yimenë. Ningë naandi be kwiisë cimpulumuci, sye fwaanë ko naandi kuluzakënë luyidofaangë tolo. Mo miinu yilë mu kulukaambë ama, yilë mu kukaambë beenë booso : Lwe zungululaanu! »

Mboongu baatu mba yin'nwanisi mboongu baatu yin'ka i lwaangu lun'zudikini lwaangu lun'ka. Bum'ba lututumuku lu n'toto mu mpaapë mëbweeti a yimunë cibuyi. Lim'ba buka misoongu yin'tetë yikubutilë.

Mu bwaawu, fwenikini ntetë Mpolu Mboti kutendukë kuke mboongu baatu yooso.

Mpaapë baatu bën'kwisë mu lizinë lyaami, bën'tubë : “Awu miinu Kliistu!” Bëm'puutë mpaapë baatu.

Kasi mu beeno, lwe kebyaanu mu benuveekë i benuveekë. Kasi baatu bëluvyoosi fë ntwaalë binzonzi. Bëlubulë mu kati ku cizutununu, lun'tubë cinzonzi fë ntwaalë mitinu i fë ntwaalë sifumu si lwaangu, mu cibilë cyaami, mu kuba cimbaanji cyaami fë ntwalaawu baawu.

Cibilë bitamaanë bi lupuutu i mibici yi ngaangu bëm'monikë, baawu bën'vaangë biliimbu i bimaaku mu kupuutë baatu, tee yi kupodi kupuutë banë Nzaambi kwasoolë.

« Kasi mu bilumbu be binë binaani, fë mbusë ntaangu mënyoni, muunyi wum'ba pipitii i ngoondi yisë be lesikë ko, simbotë simbwa lu yilu i tuleendo tuke ku mëyilu tun'tutumukë.