Popular Bible Verses from Malëkë 14

Share

Naandi wulëtubaangë : « Abaa! O a Tataami, makë mooso kupodi, yakini fëke miinu mbuungu ayiiyi yi simpasi. Bosuku bubeeli, yaaku ti lyo yin'zolë miinu, vandi kasi lyo wuzolisi njeeyi. »

Lwe zungululaanu i sambilaanu, mu kumaangë kubwa mu lisokë. Cibilë ciluunzi ci muutu ciciindë, kasi n'sunyi wudekë. »

Miinu licyelikë yakuluzabisi: fosuku faamë, fanë bën'tendulë Mpolu Mboti, mu buloongo n'viipë, bën'kwalulë linë n'cyeetu awu kwavaangë i bën'tebukë moonyi mu naandi. »

Naandi wusë bëkaambë : « N'timaami weekë mu cyuundë ci lufwa. Lwe kalyaanu afa i zungululaanu. »

Ntaangu bëlëkwambulilë, Yeesu kuboongë limpa i kwatoondi Nzaambi, naandi kulimukënë i kulitambikë ke bilaanzi byaandi i wusë bëkaambë : « Boongaanu aciici, cya nyitwaami. »

Naandi kube boongooso mbuungu viinyi i kwamani kutoondë Nzaambi, wusë bëvaanë i bakë booso bisë kunwa. Yeesu wusë bëkaambë : « Amaama meengë maami, meengë mën'luundë n'kangulu yimunë Nzaambi i mësekukë mu lukoongu lu mpaapë baatu.

Yeesu wusë kaambë bilaanzi byaandi : « Beeno booso lukun'yacikë, cibilë bësonikë mu Libuuku li Nzaambi: “Miinu yim'bulë n'liici mëmemë i mëmemë mën'yambëkënë tweeku twaaku tooso.” »

Lwe telëmyaanu, twe yendyaanu! Monaanu, muutu wo wukun'sumbisi ke baawu wabelëmë! »

Tee Yeesu wusë kun'vutulilë : « Miinu licyelikë yikuzabisi: cibubwayi, mu bwiilu be buubu, bosuku susu yin'kokilë vyaasi wali, njeeyi wukun'tunë fë vyaasi tatu ti njeeyi sye kun'zaabë ko. »