Popular Bible Verses from Malëkë 12

Share

Yeesu kun'vutulilë : « Lutumu luvyokilili bunenë lwaawu alu : “Yuwo a mboongu Islayeelë, Fumu Nzaambiitu, wumweekë vwiili kukeeli. Zolë Fumu Nzaambyaaku yi n'timaaku wooso, yi ciluunzi cyaaku cyooso, yi mbalulwaaku yooso, yi mëngolo makë mooso.” Lutumu lumwaali lwaawu alu : “Zolë mbaasyaaku buke njeveekë.” Tukeeli ko tutumu tun'ka tuvyokilili bunenë yi tutwaali atu. »

Yeesu wusë telooso bilaanzi byaandi i wusë tubë : « Licyelikë yilukaambë, ciyeembi ci n'fwiili ocyo mwiinji kuvaanë likabu yi bakë booso bunë balobikilaangë simboongo mu sinkonunu asi. Cibilë, bakë booso bavaanë byo bilutilë fë yilu binë bëbakisi, kasi mu buyeembi bwaandi, naandi wavaanë byakë byooso byabë yaandi kulëvwiilë moonyi. »

Bunë bamani ofo, Yeesu kukalilë fë ntwaalë sinkonunu si mëkabu mu n'zo-Nzaambi, naandi kutalaangë buni baatu bëlëkulobikaangë mwaawu simboongo. Mpaapë bisinë bilëkulobikaangë bivweetu binenë bi mboongo. N'fwiili ciyeembi kutuukë yivaandi, kulobikë mwaawu binkongulu byooli bi m'pataaku.

Wosuku muutu wufwenikini kun'zolë yi n'timaandi wooso, yi mëlyeelë maandi mooso, yi mëngolo maandi mooso i kuzolë yivaandi mbaasyaandi, buke naveekë. Tutumu atu twiinji n'ciinzë yi mëkabu mooso i bivakuli bi bibulu. »

Oboobo, Yeesu kubëkaambë : « Vutulaanu ke Sezaalë, binë bi Sezaalë i ke Nzaambi binë bi Nzaambi. » Baawu kusiminë, kubookë.