Popular Bible Verses from LUKA 7

Share

Niko akachil'le nikhubool'la, obuyanzi obwinji obwa amanyisie bumanyianga mbu tsimbi tsitsie tsinyinji tsilekheywe. Nebutswa uyo owalekhelwa tsindititi amanyianga obuyanzi obutititi butswa.” Ma Yesu nabool'la omukhasi uyo, “Tsimbi tsitsio tsilekheywe.”

Nebutswa Yesu yabool'la omukhasi uyo, “Obusubili bubwo bukhuhonisie; tsia nomulembe.”

niyetsa nasinjila inyuma wa Yesu ahembi nebilenjebie, nalakaya nasaaba ebilenje bia Yesu nende amasika kaake. Ma niyeya ebilenje bia Yesu nende liswi liokhumurwe kukwe, nabitsunzuna ma nabibakha amafura tsana.

Niko akachil'le nindola sindi onyala okhwitsa khuibe omwene tawe; haana butswa ling'ana ne omurumikhili wanje alahona. Okhuba ise khandi ndi omundu owabikhwa inyuma wobunyali, ma ndi nende abasikari inyuma wanje. Mbool'langa mulala ‘Tsia’, ne atsia; ne oundi ‘Yitsa’ naye niyetsa; khandi mbool'langa omurumikhili wanje, ‘Khola yili’ ma akhola.” Yesu yachenya olwa yahul'la mbwo, nasukhana nabool'la omukanda okwali nikumulondanga, “Mubool'langa sili okhunyoolakhwo obusubili singa buno, kata mu Isiraeli mwosi.”

Olwene yilwo Yesu yahonia abandu abenji abali nobulwaye, nende tsifu nende ebisieno khandi nahaana okhulola khubali nibabofula. Nakalusia abarumwa ba Yohana nababool'la “Tsie, mubool'le Yohana aka mulutsi khandi nende aka muhuliye. Ababofu balolanga ne abalema bachendanga, yabo abali nobuchele basiywanga, abasilu bahul'langa, abafwa basimukusibwanga, ne abatakha bakambilwanga Amang'ana Amalahi.