Popular Bible Verses from LUKA 6

Share

Muhaane khubasienywe, ne Nyasaye yakhamuha omuchelo omulahi, okwikar'rwe, okusungusilwe ma okubungulukhile. Omuchelo okwa murumikhilanga okhuchel'la mwo abasienywe nikwo okwa Nyasaye yakhamuchel'lemwo.”

Omundu omulahi ahinianga akali amalahi mwibiikhilo lilie lilahi elio mumwoyo kukwe; nebutswa omundu omubi ahinianga amabi. Okhuba ako omwoyo kwasilana n'nako niko akomunwa kuboolanga.

Tawe, nebutswa muyanze abasuku benywe, ma mubakhol'lenge obulahi. Muhambie libere sila okhunaya okhukaluchisibwa, nilwo olwa mwakhanyoole amatani amenji ma mwakhabe abaana ba Nyasaye Oweikulu Okhusila. Okhuba ye nomulahi khu abarali nende embwo nende khubabi.

Mube abetsimbabasi singa Papa wenywe ali owetsimbabasi.

“Murakhalachila abandi esiina, kho Nyasaye alekhe okhumukhalachila esiina; murakhalachila abandi obubi, kho Nyasaye arakhamukhalachila obubi tawe; mulekhele abasienywe, kho Nyasaye amulekhele.

“Nebutswa mubool'langa inywe abambul'langa; Muyanze abasuku benywe, mukhol'le yabo abamubihil'lwanga obulahi, mubalamile ikhabi yabo abamulamanga esilamo siobubi, mubasaayile abamunyekanga.

Mukhol'le abasienywe akamwenyanga nabo bamukhol'le.

Omundu naba nakhukhupaka oluhi khuluseya, omusukhanichisie oluseya lundi khandi akhupake khwo; Omundu nabukula likoti, omulekhele lisati khandi. Omundu wosi nakhusaba esindu omuhelesie, ne omundu naba nakhunuula emianduchio oramubanza tawe.

“Omusaala omulahi sikwamanga ebiamo ebibi tawe, nohomba omusaala omubi sikwamanga ebiamo ebilahi tawe.

Siomusaala kumanyikhanga khulwe ebiamo ebia kwamanga. Sionyala okhunoka amakhuyu khumahwa tawe, nohomba sionyala okhunoka emisabibu khumarakalu tawe.