Popular Bible Verses from LUKA 8

Share

Imwo eyakwa mumaloba amalahi ni yabo abahul'langa ling'ana, nibalitila nemioyo emilahi echiatooto, ma baama ebiamo mukhwefwila.

Ne imwo eyakwa mumahwa emanyianga yabo abahul'langa, nebutswa olwa bachenda mutsinjila tsiabwe, okhuhendela obuhinda nende obulahi bwesibala bibaminanga ne sibali abanyala okhwama habwene tawe.

Imwo eyakwa khulwanda emanyianga yabo abahul'langa ling'ana ma balibukula nobusangali. Nebutswa silieyinikhanga mubo kupu tawe, basubilanga khulwa amatukhu matititi, nebutswa olwe inyinga yokhutemwa yitsanga nibakwa okhurula khubusubili.

Nababool'la, “Obusubili bwenywe buli hena?” Ma nibaria okhusila. Nibachenya nibabool'lana, “Niwina omwene uyu, alakanga omuyeka nende amaatsi ma bimuhul'la?”

Imwo eyakwa khunjila emanyianga yabo abahul'langa ling'ana; nebutswa Setani yetsanga ma ahinia ling'ana liatsana mumioyo chiabwe khe balekhe okhusubila khase bakhahonibwa.

Okhuba libulaho liosi eliabiswa elirakhabisukhe tawe nohomba eliamambiswi elirakhamanyikhe ma lilarule habulafu.

Olwomukhasi uyo yalola mbu siyali onyala okhwekoyokoyia tawe, yetsa natechelanga, niyelumba imbeli wa Yesu. Namanyia imbeli wabandu bosi esifune esiachila namutila nende singa obwa yali nahon'ne bwangubwangu. Yesu namubool'la, “Omukhaana wanje, obusubili bubwo bukhuhonisie, otsie nomulembe.”

Abechi nibatsia okhumubuusia nibaboola, “Omwami, Omwami, khutibanga!” Ma nabuukha nakondekhela omuyeka nende ebikubuli biamaatsi nibikhalisia, ma khwaliho okhulenjela okhukali.