Popular Bible Verses from UMÁKI 9

Share

Ujísɔ̄si ka, Īī, ɔ́dāŋ́ nɛ̄ ó tá awɔ abɔ̄yī uwɔ ɔtɛ́! Ɛjɛ̄ɛ̄jī ɔdā dóódu gē tɔ́ɔtɛ́ lɛ ācɛ nēe lɛ ɔtōōce ā.”

Anɔ́ɔ ádā ɔyí ā dɛ̄gba tɛ́ɛcɛ igbeékpónú kahíníī, “N cɛ̄, amáŋ ó nwuné jɛ̄ ŋ́. Tá um abɔ̄ ká n̄ cɛ̄ fíyɛ́!”

Ɛpláko nɛ̄ Ujísɔ̄si le tá ipú inu ā, ayíkpó kú nū lɛ ɔ̄kā da ɔ́ wɛɛlɛ kahíníī, “Ɔdíyá nɛ̄ alɔ í nū alelékwū obɔ̄bí ɔ́ɔmā tɛ́ɛcɛ glá ŋ́ mā?” Ujísɔ̄si da uwá kahíníī, “Ɔkɔ ō gbā lɛ Ɔwɔicō mla okónu ō gwū ōfōōfūnū lɔfú nū alelékwū obɔ̄bí ɛ́gɛ́nyā tɛ́ɛcɛ glá á.”

Ɔmā lɛ ɔhi, amáŋ ɔ́dāŋ nɛ̄ ɔmā í lɔnyɛ gɛ ŋ́, á gáā yá ɔ̄ kóō lɔnyɛ glá ŋ́. “Aá lɔnyɛ tū iyī aá bɛ̄ɛka ɔmā ā, aá bá ɛbɔ́ mla iyī aá.”

Ɔ̄cɛ dúúmā nōo mīyɛ éyi kú ayí nēe bá nyā iyē kú um, kē mīyɛ um dúú. Ɔ̄cɛ dúúmā nōo kē mīyɛ um, ó wɛ ami ofōōfū um nōó mīyɛ ā ŋ́, amáŋ ó mīyɛ ɔ̄cɛ nōo tū um ɛhɔ̄ ā dúú.”

Ó klla kahíníī, “Ɔkwɔ̄ɔ̄kwɛ̄yi, n̄ da aá ka ɔ̄cɛ nōo lɛ éŋkpɔ̄ je lɛ aá gwá ohígbū ka aá gē tá Ohɔ́nyɛtá ɔkwu, Ɔwɔicō géē gbā ulé nū lɛ ɔ́.”

Ó kē yɔ̄ ī kɛlā kpɔ́ kahíníī, “Ɔ́dāŋ́ ka ɔ̄cɛ dúúmā le yá kú éyi kú ayípɛ̄nɛ̄ŋcɛ́ nēe bá nyā kéē cɛ̄ɛ̄lā kú um gɛ ŋ́, ó géē lɔhi lɛ ɔ̄cɛ ɔ́ɔmā fíyɛ́ ɔ́dāŋ keé lɛ ígbɛ́cɔ̄ gbo bá ɔ́ ɔkɔ cɛ́ɛ́ é kwú ɔ̄ ú tá tū ipú ísu.

Ɔ́dāŋ́ ka ikpēyī kú uwɔ í cɛ̄ gā awɔ cɛ̄ɛ̄lā Ɔwɔicō gɛ ŋ́, lɛ ɔ́ wú tónū! O lɔhi ga awɔ fíyɛ́ ká ā le tá ajɔ̄ɔ̄cɛ́ ɛga nāa géē lɛ oyēeyī opiyóó mla ikpēyī ékpó, ikɔkɔ nāa géē bī ikpēyī ɛplɛ́ɛpa, cɛ́ɛ́ é kwú uwɔ ú tɛ́ɛcɛ ga ipú ɔlá ā.