Popular Bible Verses from UMÁKI 10

Share

Ohígbū ka Ɔyínɔ̄nyīlɔ kú Ɔ̄cɛ í kōō wā cɛ́ɛ́ kéē cɛ̄ ɔ̄ ɛhɔ̄ ŋ́, amáŋ ó wā í cɛ̄ ācɛ ɛhɔ̄, cɛ́ɛ́ ó gekwú, o yá ɛ́ɛ́ kóō lɛ ācɛ alɛwa nyatá.

Ujísɔ̄si leyī kwu uwá cíí, anɔ́ɔ ó kahíníī, “Ɛ̄nyā í tōō yá lɛ ɔ̄cɛ ŋ́, amáŋ ó tōō yá lɛ Ɔwɔicō. Ɛjɛ̄ɛ̄jī ɔdā dóódu tɔ́ɔtɛ́ ō yá lɛ Ɔwɔicō.”

Anɔ́ɔ Ujísɔ̄si da ɔ́ kahíníī, “Nyɔ̄, ɔtū nāa le ce um ā lɛ uwɔ hɛ́tá ɛɛ́.” Ɔkwɔɔkwu ɔ́ɔmā, ó gbɔɔ́ ō mɛ́ɛbɛ, anɔ́ɔ ó tá Ujísɔ̄si ɔkwu gbɔɔ́ ō nyɔ̄ á.

Ó ka ɔbá mɛ́mla ɔnyā nɛ̄ Ɔwɔicō le kpó bɔ́há ɛɛ́, ɔ̄cɛ dúúmā kóō híī fō uwā ŋmá iyī uwā ŋ́.

Ujísɔ̄si leyīkwu ɔ́ cíí ó le he ɔ́ ɔtū, anɔ́ɔ ó da ɔ́ kahíníī, “Ɔdā ékpónú hile gā awɔ kpɔ́, nyɔ̄ gaá kwú odúúdú ɔdā nāa lɛ ā í kpó lá, cɛ́ɛ́ a kwú ije nū í kpó lɛ ācɛ ogbɛhá, cɛ́ɛ́ a lɛ agbénú lɛ ajɔ̄ɔ̄cɛ́, cɛ́ɛ́ a wā í tū um ɔkwu.”

Ujísɔ̄si da ɔ́ ɔ̄kā kahíníī, “Ɔdí nāa tíne ká n̄ yá ga awɔ ā.” Opeyī ā tá ɔ̄ ohi kahíníī, “Itíca, n dɔɔ̄kā ká n̄ mɛ́ɛbɛ kpɔ́.”

Ɛ̄nyā í lɛ ā ɔtāhɛ̄ aá ŋ́, ɔ́dāŋ́ ka ɔ̄cɛ dúúmā géē wɛ ɔ̄cɛ nɛ̄hi ɔtāhɛ̄ aá, ó géē cɛ̄ ācɛ ohile ɛhɔ̄ piíí.

N dɔɔ̄kā kú aá le jé kpɔ́cíí ka, ɔ̄cɛ dúúmā nɛ̄ ó mīyɛ ajɔ̄ɔ̄cɛ́ kú Ɔwɔicō ɛ́gɛ́nɛ̄ ayípɛ̄nɛ̄ŋcɛ́ mīya ɔ́ ā ŋ́, í gáā bēhé ga ipú nū gbóógbóō glá ŋ́.”

Ujísɔ̄si yɔ̄ ī kɛlā gɔbū kpɔ́ kahíníī, “Amáŋ ācɛ nēe gbɔbū abālɔbányā géē wɛ ācɛ igbīhāajɛ, anɔ́ɔ ācɛ alɛwa nēe bá igbīhi abālɔbányā géē wɛ ācɛ aflɛ́yí.”

Amáŋ ohútu ā, eko nɛ̄ Ɔwɔicō ɔ́ɔ yá ɛcɛ ā, ɔ́ɔ yá uwā ɔ̄cɛnyīlɔ mla ɔ̄cɛnyā, ɛ́gɛ́nɛ̄ ɛlɔ̄ɔwɔicō ka lɛ ā. Ujísɔ̄si yɔ̄ ī kɛlā gɔbū kpɔ́ ka, anɔ́ɔ ohígbū ɛ́gɔ́ɔmā, ɔ̄cɛnyīlɔ ɔ́ɔ géē habɔ̄ ádā nu mɛ́mla ɛ́nɛ́ nū tá, cɛ́ɛ́ ɔ́ɔ kwú pīyatɔ̄há mla ɔnyā nū, anɔ́ɔ ācɛ ɛpā kwú pīya ɔ̄cɛ ékpó. Cɛ́ɛ́ é wɛ ɛpā gɛ ŋ́, amáŋ ékpó.