Popular Bible Verses from UMÁKI 11

Share

Ohígbū ɔ́ɔmā, eko dúú nɛ̄ aá lɛ ɔkɔ gbā lɛ Ɔwɔicō, lɛ ɛ̄ba kú ɔdā dúú ba ɔ́, aá cɛ̄ ka aá mīyɛ odée ā ɛɛ́. Ɔ́dāŋ́ nɛ̄ aá cɛ̄ lɛ ā, Ɔwɔicō géē je ɔ́ lɛ aá.

N dɔɔ̄kā kú aá lɛ ɛ̄nyā jé lɔɔlɔhi ka ɔ̄cɛ dúúmā nōo da ɛfu nyā, kóō lɛ iyī nū fu ŋmá ajɛ, cɛ́ɛ́ kóō kwú iyī nū ú tɛ́ɛcɔ̄ í kwu ipú ísu, anɔ́ɔ ɔ̄cɛ ā í lɛ ɔtū kú nū bɛ́ɛpa ŋ́, amáŋ nōó cɛ̄ ka ɛlā nɛ̄ anúɔ ka ā í yá, ó kē í yá lɛ ā lɛ ɔ́.

Anɔ́ɔ eko nɛ̄ aá háyicō lɛ ɔkɔ gbā, kwú ɔdā dúú nɛ̄ ɔ̄cɛ dúúmā yá aá ā í yá ɔ̄ ɛhi, cɛ́ɛ́ Ɔwɔicō nōo wɛ Ádā aá nōo yɔ̄ ɔkpáncō ā, géē je ɔdōbɔ̄bí nɛ̄ aá yá ā yá aá ɛhi dúú.”

Ujísɔ̄si tá uwā ohi kahíníī, “Aá lɔtūce Ɔwɔicō.

Anɔ́ɔ ó gbɔɔ́ ō nwū ācɛ ā ɛlā kahíníī, “É tá ɔ̄ ipú ɔkpá kú ɛlɔ̄ɔwɔicō ka Ɔwɔicō ɔ́ɔ ka, ‘É géē hī Agblīihɔ-nɛ̄hi kú um ka inu ɛga nɛ̄ ācɛ kú ewo dúúdú géē gbɔ̄ɔkɔ ga um.’ Amáŋ aá lɛ ɔ́ pīya ɛga nɛ̄ aúwī gē tayínū ā!”

Ācɛ nēe bá iyɔ̄bū nū mla ācɛ nēe tū ɔ̄ ɔkwu igbīhi ā, gbɔɔ́ ō dɛ̄gba ka, “Aá wóófu Ɔwɔicō! Ɔwɔicō kóō hɔ́ɔhā ce ɔ̄cɛ nōo wā ŋmá iyē kú Óndú ā!

Ɔwɔicō kóō hɔ́ɔhā cē ajɔ̄ɔ̄cɛ́ nɛ̄ ō yɔ̄ ī wā ā, ó géē lɛbɛ̄ɛka ajɔ̄ɔ̄cɛ́ kú ádā alɔ Udɛ́fīdi ā! Odúúdú ojīlīmā kóō ce Ɔwɔicō!”