Popular Bible Verses from UMÁKI 12

Share

Ujísɔ̄si tá ɔ̄ ohi ka, íne nōo cɛgbá fíyɛ́ dúú ā, wɛ ɛ̄nyā ā, “Ísrɛ̄lu aá jāhɔ̄, Óndú ā Ɔwɔicō kú alɔ, anú ōfōōfūnū wɛ Óndú á. Aá í yíihɔtū tá Óndú, Ɔwɔicō kú aá ŋmá ɛjɛ̄ɛ̄jī ɔtū kú aá, ŋmá ɛjɛ̄ɛ̄jī odo kú aá, ŋmá ɛjɛ̄ɛ̄jī ɛlá nɛ̄ gē gbo ā, mɛ́mla ɛjɛ̄ɛ̄jī ɔfú kú aá! Íne ɔ́mpa nōo fíyɛ́ dúú ā wɛ ɛ̄nyā ā, ‘ɔ́mpa kú aá kóō he aá ɔtū ɛ́gɛ́nɛ̄ aá he iyī aá ɔtū ā. ‘Ó lɛ íne dúú nōo fíyɛ́ íne ɛpa nēe bá nyā gɛ ŋ́.”

Anɔ́ɔ Ujísɔ̄si le ayíkpó kú nū hīgwú tɔ̄há, anɔ́ɔ ó da uwá ka, “N da aá ka ije nɛ̄ ɔnyōkwū ogbɛhá nyā le tá ipú ikpati ā nwuné fíyɛ́ ákú odúúdú ācɛ o hile á. Ohígbū ka ācɛ o hile ā, je ŋmá ipú agbénú o lɛ cabá kú uwā. Amáŋ anú ā ɛ́gɛ́nɛ̄ o kwɛ́há lɛ ā, ó kwú ɛjɛ̄ɛ̄jī ɔdā nɛ̄ ó lɛ ɔlɛ́ kwɛcɛ ā ú tá ɔ̄. Ije kú oyēeyī kú nū nɛ̄ ó je tá ɔ̄ á.”

Ujísɔ̄si cīce ɛgiyí ikpati okpije tū ɔ̄ kú Agblīihɔ-nɛ̄hi ā. Ó yɔ̄ ī má abɔ̄ ācɛ yɔ̄ ī wā lɛ ije tá ɔ̄ lɛ ā. Ācɛ o lɛ ije nɛ̄hi wā í lɛ ije nɛ̄hi tá ipú ikpati ā. Anɔ́ɔ ɔnyōkwū ogbɛhá éyi wā í lɛ andelī ɛpa nēe gē yá ɔkɔ́bɔ éyi ā kpó tū ipú ikpati ā.

Alɔ í yíihɔtū tá Ɔwɔicō ŋmá ɛjɛ̄ɛ̄jī ɔtū kú alɔ, ŋmá ɛjɛ̄ɛ̄jī ɛlá nɛ̄ alɔ gē gbō ā, mɛ́mla ɛjɛ̄ɛ̄jī ɔfú kú alɔ. Ɔ́mpa kú alɔ í he alɔ ɔtū ɛ́gɛ́nɛ̄ alɔ he iyī alɔ ɔtū ā. Ó cɛgbá nɛ̄hi kú ālɔ̄ lɛyítáajɛ lɛ aíne ɛpa nēe bá nyā fíyɛ́ ō bī aɛ́bɛ́ wā í le gwɛ́ɛya ɛyí ede lɛ Ɔwɔicō.”

Anɔ́ɔ Ujísɔ̄si da uwá kahíníī, “Aá je lɛ Usísa ɔdā nōo wɛ ákú Usísa, aá je lɛ Ɔwɔicō ɔdā nōo wɛ ákú Ɔwɔicō.” Ohi nōo tá nyā le hɛ uwā idáagó.