Popular Bible Verses from UMÁKI 13

Share

Ācɛ dóódu géē wɔ́tū aá ohígbū um. Amáŋ ɔ̄cɛ dúúmā nōo lɛ ɔtū lé jāā ga oŋmɛ́yí, é géē nya ɔ́ tá.”

Aá leyī kwɛcɛ! Cɛ́ɛ́ kú aá le tútū, ohígbū ka aá í jé eko nɛ̄ aɔ́dā nēe bá nyā géē yá ā ŋ́.

Eko nēé lɛ aá kwú, anɔ́ɔ é lɛ aá bī ga únɛ́pɔ̄, ɔtū kú aá kóō plicō ohígbū ɔdā nɛ̄ aá géē ka gbɔbū lɛ eko ā ŋ́. Eko nɛ̄ eko le yá kú aá kɛlā, aá kɛlā dúú nōo wā okónu kú aá ā, ohígbū ka ɛlā nɛ̄ aá gáā ka ā í ŋmá ɛgiyí aá, amáŋ ɛgiyí Alelékwū Ihɔ géē je ɛlā ā lɛ aá.

Ɔkpáncō mla ɛcɛ í mɛ, amáŋ ɛlā kú um géē yɔ̄ piyóó.”

Ujísɔ̄si klla kahíníī, “Ɔ̄cɛ dúúmā í kōō jé ɛ̄cī ámāŋ ka eko nɛ̄ Ɔyínɔnyīlɔ kú Ɔ̄cɛ ā í wā ā ŋ́. Aálelékwū otɛ̄hɔ̄ kú ɔkpáncō ámāŋ kú Ɔyínɔnyīlɔ kú Ɔwɔicō ā í kōō jé ɔ̄ ŋ́ dúú. Ɔwɔicō Ádā ā ōfōōfūnū jé ɔ̄ á.

Ɔtū kú aá kóō wuklíicō eko nɛ̄ aá le pó keé yɔ̄ ī kpɛ́fú ámāŋ eko nɛ̄ aá le ofu kú ɛfú pó ŋ́. Aɔ́dā nēe bá nyā géē yá piíí, amáŋ eko ámōōmɛ ā í wā ɛ́ɛ́ ŋ́.

Ohígbū ɔ́ɔmā, aá leyī kwɛcɛ, ohígbū ka aá jé eko nɛ̄ ádɔ̄lɛ́ ā í wā ā ŋ́, ó lɔfú wā ɔ̄nɔ̄ɔ̄nɛ̄, ámāŋ ahāpotú ámāŋ ka ɔbúgwu aflɛ́yí, ámāŋ ka ɔ̄cɔ̄ɔ̄cī. Aá híī gbɔlā nóó, ohígbū koó lɔfú wā eko nɛ̄ aá leyī ce ŋ́ mā. Ɔdā nɛ̄ n da aá nyā nɛ̄ n da ācɛ dóódu á, aá leyí kwɛcɛ.”

Éwo éyi géē nyáŋjɛ í bɛ́yíkwu éwɔhá, ajɔ̄ɔ̄cɛ́ géē cāŋjɛ í bɛ́yíkwu ajɔ̄ɔ̄cɛ́ ɔhá. Ajɛ géē jíliyē ɛga dóódu, ɔkpɛtā géē ŋmó ācɛ. Amáŋ aɔ́dā nēe bá nyā wɛ ohútu kllɔ́dɔ́ɔ́ kú ōwē nɛ̄ ācɛ géē má.

Ujísɔ̄i klla yɔ̄ ī ka lɛ uwá kpɔ́, “É géē tɔ́ɔna kú Ɔkōolɔhi ā lɛ odúúdu éwo dóódu kú ipú ɛcɛ nyā, cɛ́ɛ́ oŋmɛyí kú ɛcɛ gā.

Ācɛ alɛwa géē wā iyē kú um, géē yɔ̄ ī ka, ‘Ami wɛ anú á,’ cɛ́ɛ́ é lɛ ācɛ alɛwa bī nyíleyī.

Amáŋ aá abɔ̄yī aá, aá leyí kwɛcɛ ohígbū keé géē kpó aá wā iyɔ̄bū ójīla o kɛpɔ̄ tū ācɛ, é géē ŋmó aá ijē ipú ɛgogbɔ̄ɔkɔ. Ohígbū ka aá wɛ ayíkpó kú um, é géē kpó aá wā iyɔ̄bū aígbómína mla aɔ́cɛ́ kéē kɛpɔ̄ tū aá. Cɛ́ɛ́ aá géē má ɛga í tɔ́ɔna kú Ɔ̄kōōlɔhi ā tɛ́ɛcɛ lɛ uwá.”

Ohígbū ka Ohɔ́nyɛtá ɛ̄kɛ̄mgbɛ̄ mla ācomɛ́ɛbɛ ɛ̄kɛ̄mgbɛ̄ géē pɛ́ wɛ̄ɛcɛ, é géē yá ɔdōcābɔ̄, é kē í yá ɔdōhídáagó, o yá kéē plla ācɛ nēé fu ā, ɔ́dāŋ ka ó tɔ́ɔtɛ́ lɛ uwá.

Ɛplá ɛ̄cī ɔ́ɔmā, bōōbū igbīhāajɛ kú eko kú ōwē nɛ̄ ācɛ géē má nɛ̄hi ɔ́ɔmā, ɛnɔ géē je dobū, ɔyā í gáā fíyajɛ gɛ ŋ́. Aínyílɔ́wɔ géē kpó míya wāajɛ ŋmá ɔkpáncō, é géē jíla ɔfú kú ɔkpáncō iyē.