Popular Bible Verses from UMÁKI 8

Share

Ohígbū ka ɔ́dāŋ ka ɔ̄cɛ dúúmā tíne ká ā nya oyēeyī kú nū tá, ó géē hɛ́ ɔ̄ abɔ̄, amáŋ ɔ̄cɛ dúúmā nōo kwú oyēeyī kú nū í tónú ohígbū um mɛ́mla ohígbū ɔkōōlɔhi ā, é géē nyá ɔ́ tá

Ile nyá nɛ̄ ó í tū lɛ ɔ̄cɛ, ɔ́dāŋ ka ó lɛ odúúdú aɔ́dā kú ɛcɛ nyā lɛ, amáŋ nɛ̄ á yēeyī ŋ́ bɛ́ɛ? Ó lɛ itene dúúmā ŋ́.

Anɔ́ɔ Ujísɔ̄si lɛ ɛwa nēe jila bá ā hīgwú mla ayíkpó kú nū, wā ɛgiyí nū. Anɔ́ɔ ó kahíníī, “Ɔ́dāŋ ka ɔ̄cɛ dúúmā tíne kóō yɛce um kóō leyī gwō iyī nū bónū, cɛ́ɛ́ ó kwú ɔcóōnyɔ́kpá kú nū ú ce ɔkɔ cɛ́ɛ́, kóō yɛce um.”

Ó lɛ ɔdā ɔhá dúúmā nāa lɔfú yá ká ā yēeyī glá ŋ́. Ɔ́dāŋ́ ka ɔ̄cɛ dúúmā gē yúwēyī um mɛ́mla ɛlā nɛ̄ n gē nwū ā, eko kú ācobɔ̄bíipú nēé je Ɔwɔicō ŋ́ nyā ā, ami Ɔyínɔ̄nyīlɔ kú Ɔ̄cɛ géē híhó ka ń jé ɔ̄cɛ ɔ́ɔmā ŋ́ eko nɛ̄ n géē wā mla ɔfú nɛ̄hi kú Ádā um mla aálelékwū otɛ̄hɔ̄ kú nū ā.

Anɔ́ɔ ó da uwá ɔ̄kā kahíníī, “Aá ā bɛ́ɛ? Ɔ̄nyɛ nɛ̄ aá ka n wɛ ā?” Upíta tóohi kahíníī, “Awɔ wɛ ohɔ́nyɛtá á.”