Popular Bible Verses from Matayo 6

Share

To kutho rangi win Ker pa Were kodi tiro ma go yenyo, aka go bino miyo win gigipiny me je.

Am'omiyo wikiri wirembi ri gima dikin; kole kisi ndelo won yawere gi wac mere. Ki yenyere medo teko man wi teko ma piny m'oyawere kelo.

Am'omiyo awaco riwin gime: Wikiri wirembi kwoŋ gir'acama kodi gir'amadha ma wiyenyo ma kwo, kosa ruk ri delkwoŋ win. Adieri kwo pa dhano kiloy cemo, odoko delkwoŋe kiloy ruk?

To ka ikwayo, donji i ot perin icegi thigo, aka ikway Benin, ma kinenere kamaler. Aka Benin, ma neno gim'imito nyaliŋliŋ bino miyin kemba.

Me apaka wiripo kwayo, Bawan ma i polo; Nyingin wolwor. Keri perin wobin; Gim'iyenyo wotimere i piny paka timere i polo.

Miy waye konon cemo mawan ma noknok

Cwaki riwan reco mawan; Paka wacwako ri joma timo riwan marac.

Ikir'iter wan i karatem, to bothi wan ayino, kwoŋ gimarac, [rupiri ker obedo aperin, kodi meni, kodi dwoŋ, cil gi cil]. Ameno.

Kole ka wicwako ri ji reco ma jotimo riwin, Bawin manitie i polo bende bino cwako win.

Neni win winyin ma jouco malo, jokipidhi kodhi, jokicoki cemo jokethi i dere, to kole Bawin manitie i polo kuro jo! To kere win wikiloy winyin no bor?

Wikiri wikan ŋaŋo mewin i piny ka, kama masirigi kodi nyal jobino nyek'iye, aka jokwo jobino donj'iye to jokwalo woko; to kucel, kani win ŋaŋo mewin i polo, kama masirigi kodi nyal jokibino nyek'iye, aka jokwo jokibino donj'iye kwalo. Kole kama diŋaŋo perin ama cunyin bed'iye ndir je.

Ongoye ŋata nyalo tiyo ri rwodhe ario; go bino maro acel to dak man, kosa nyalo tiyo ri acel to cayo man. Ikinyal tiyo ri Were kodi ri lim bende.

To k'inen meno apaka Were ruko lum, ma konon nitie to yawere mere thwo t'iwaŋo i kendo, go k'oruki win maloyo kenyo, a ji ma yeyo pajo nok me!

To k'icwayo ri jacandi gimoro, kony go makada mere perin ma kacunyin k'oŋeyo, ŋey wobedi gima nyaliŋliŋ, aka Benin, ma neno gim'imito nyaliŋliŋ, ama bino miyin kemba.

Gwokere win wikiri winyuthi tim mewin mabeyo i waŋ ji ni aka ji jowoneni to jofoyo win. Ka witimo ameno i dier ji wik'olim kemba bongi Bawin manitie i polo.

Aka ka wiriyo kec, wikiri winenere pa wigut paka joma rendere. Ato jonyeko waŋ gin ŋey ji je jowoŋey nike joriyo kec. Adieri awaco riwin, ameno jotieko limo kemba pajo m'opoŋ. To k'iriyo kec, lwoki waŋin kendo iyiki wiyin, aka joman jokiri jowoneni nike iriyo kec; Benin kende ma kinenere kamaler ama bino ŋeyo. Aka Benin, ma neno gim'imito nyaliŋliŋ, ama bino miyin kemba.