Popular Bible Verses from Matayo 5

Share

Ongoye ŋata cwinyo tala to riewo i agono; kucel go ripo ŋawo tala no malo kama nyalo miyo lero ri ji je ma ot. Riameno lero mewin bende ripo menyo iye je ŋey ji jowoneni gima beyo ma witimo to jopako Bawin man polo.

Win wiŋati wibedo lero ma piny. Tindi m'oger wi tendere madwoŋ kipanere.

Josilwany a joma cuny gin olony, kole jobino neno Were.

Josilwany a joma nitie g'awanya madwoŋ, ma timo gima Were yenyo, kole ibino yeŋo jo.

To onyo pama awaco riwin ni, mari win jokwor mewin, odoko kway win ri joma timo riwin marac

Josilwany a joma candere i cuny gin, kole Ker ma polo obedo apajo.

Josilwany a joma kweyo piny, kole ibino lwoŋo jo ni nyithindho pa Were.

Josilwany a joma ywak, kole ibino, kweyo cuny jo.

Josilwany a joma ilwenyo gi jo ro timo gima Were yenyo, kole Ker ma polo obedo apajo!

Josilwany a joma nyutho jowoti gin wor, kole Were bino nyutho jo bende wor.

Win wijosilwany ka ji joyeto win aka jolwenyo gi win, ka jowaco wac je kwoŋ win rupiri wibedo joma luwan. Yodere win aka wisangala, rupiri kemba mewin obedo m'oasere i polo. Me apaka cango jotimo kiri ri jotuci wac Were macon.

Josilwany a jomamwol, kole jobino lunjo piny.

Wibedo cumbi ma piny. To ka cumbi orwenyo woko cwe mere, aŋo manyalo miyo bedo mamit kendo? Lokere gim'ongoye kony; am'omiyo ikonjo woko to ji nyono gi tiendi gin.

Bedi win maleŋ paka Bawin manitie i polo leŋ.

Waci nyaka ni, “Ey.” Kosa “Be.” Gima kalo kenyo man m'inowaci meno wok bongi Ŋatarac.

Witieko winjo cango con paka owaci ni, waŋ culo kwor gi waŋ, lak bende gi lak. To onyo pama awaco riwin ni: Ikir'iculi kwor kwoŋ ŋata timo rin marac. Ka nyatoro ogoyo lembin maracuc g'adhoŋ, weyi wogoyi lembin maracam bende.

Am'omiyo k'inen waŋin maracuc miyin timo gimarac, goli woko ibol woko! Kole ber ikeŋ adec moro ma delkwoŋin loyo nwaŋo delkwoŋin gipi t'ibolo i mac makitho. K'inen cingin maracuc miyin timo gimarac, ŋondi ibol woko! Rupiri ber iremi cingin acel loyo delkwoŋin gipi kidho i mac makitho.