Popular Bible Verses from Matayo 7

Share

Kway, aka inolimi; rangi, aka inonwaŋ; gudi thigo aka ibino yawo rin.

Kole dhano je ma kwayo, limo; aka ŋata rango, nwaŋo, aka ŋata gudo thigo, iyawo rigo.

Am'omiyo dhano je ma winjo wac paran me aka tiyo gine bino cale gi dhano mariek m'ogeto ot pere i wi tele.

Tim win ri jowoti win gima wimito jowotimi riwin: Me a dwoŋ Cik pa Musa kodi fonji pa jotuci wac Were.

Waŋkac madiny nigi royo matek luwo, to tero jo i kwo, aka ji manok ama jonwaŋo royo no.

Donji gi i waŋkac madiny, rupiri waŋkac malac nigi royo mayot luwo, to tero jo i rerok, aka jomathoth joluwo royo no.

Kole kada wireco ameno, wiŋeyo miyo nyithindho mewin gigipiny mabeyo. Aka Bawin manitie i polo oloy win didi i miyo joma kwayo go, gigipiny mabeyo!

Wikiri withum banja ri jowoti win, aka bende Were k'othumi riwin banja. Kwoŋbedo ibino thumo riwin banja i yo acel ma withumo gine banja ri jowoti win, aka ibino tiyo kwoŋ win gi cik ma witiyo gine kwoŋ jowoti win.

To ŋata winjo wac paran me aka kitiy gine, cale dhano mamiŋ m'ogero ot pere i kwoyo.

Am'omiyo, raŋo m'iŋiyo nyaka yath m'ondhilo man manitie i waŋ omerin, t'ikidew kwoŋ thwon kasik manitie i waŋin won? Iere nedi waco ri omin ni, mondo, weyi akwany woko nyaka yath m'ondhilo no i waŋin, ma to in won bende initie gi kongolo kasik i waŋin?

Gwokere win kwoŋ jotuci wac Were ma twodo, ma jobino bongi win i cal pa rombo gi woko, to iy'adieri mere jobedo arara i cuny gin. Riameno wibino ŋeyo jo kwoŋ gima nyak wok i tim pajo. Kudho oriaŋ bende cene nyak vini? Odoko kudho alwi bende cene nyak nyandere?

Kole yath maber nyak gimaber, aka yath marac bende nyak gimarac.

Yath maber kinyal nyak gimarac, aka yath marac kinyal nyak gimaber.

Yath je ma kinyak gimaber itoŋo woko t'ibolo i mac.