Popular Bible Verses from Mar 4

Share

N'agolokoka, empewo n'agikomako, n'ennyanja n'agiragira nti: “Sirika, towuuna.” Empewo n'ekoma, ne guba mulaala nnyo. N'abagamba nti: “Mutidde ki? Temulina kukkiriza?”

Entiisa n'ebakwata, ne bagambagana nti: “Ono ye ani, okuba nti empewo n'ennyanja bimuwulira?”

Ye yali yeebase mu kiwenda ku kigugu; ne bamuzuukusa, ne bamugamba nti: “Muyigiriza, ggwe tofaayo oba tusaanawo?”

Era n'abagamba nti: “Mwekkaanye bye muwulira. Ekipimo kye mugera nammwe kye kiribagererwa, n'okwongerwa ne mwongerwa.

Era n'abagamba nti: “Obwakabaka bwa Katonda buli ng'omuntu bw'amansa ensigo ku ttaka, ne yeebaka, n'agolokoka ekiro n'emisana; yo ensigo n'emeruka, n'ekula, ye nga tamanyi bw'ekikola.

Oba oli alina amatu okuwulira, awulire.”