Popular Bible Verses from Mar 2

Share

Yezu bwe yawulira, n'abagamba nti: “Abalamu si be beetaaga omusawo, wabula abalwadde. Abatuukirivu si be najja okuyita, wabula aboonoonyi.”

Yezu bwe yalaba okukkiriza kwabwe, n'agamba akonzibye nti: “Mwana wange, ebibi byo bisonyiyiddwa.”

Era n'abagamba nti: “Sabbaato yassibwawo kubeera muntu; sso si muntu kubeera Sabbaato

Bwe baalemwa okumusembeza w'ali olw'ekibiina, ne basereekulula ku kasolya waggulu ne Yezu we yali; bwe baafunawo omwagaanya, ne bakkiririzaawo olunnyo omulwadde kwe yali agalamidde.

Kale mmwe okumanya ng'Omwana w'Omuntu alina obuyinza ku nsi obw'okusonyiwa ebibi,” - awo n'agamba akonzibye nti: “Nkugamba: situka, kwata olunnyo lwo ogende ewammwe.”

Ekisinga obwangu okugamba akonzibye kiruwa: okugamba nti: ‘Ebibi byo bisonyiyiddwa?’ nandiki okugamba nti: ‘Situka, otwale olunnyo lwo, otambule?’

Ye n'asituka amangu ago, n'akwata olunnyo lwe, n'afuluma ebweru bonna nga balaba. Bonna ne bawuniikirira, ne bagulumiza Katonda nga bagamba nti: “Tetulabanga kiringa kino!”