Popular Bible Verses from Mar 13

Share

Mulikyayibwa bonna olw'okubeera erinnya lyange. Naye aligumiikiriza okutuusa ku nkomerero, alirokoka.

Mubeere bulindaala, mutunule, kubanga temumanyi kaseera.

Ate bwe babatwalanga ne babawaayo, temweraliikiriranga kye munaagamba. Mwogere kye munaaweebwanga mu kaseera ako, kubanga si mmwe munaabanga mwogera, wabula Mwoyo Mutuukirivu.

Eggulu n'ensi biriggwaawo, naye ebigambo byange tebiriggwaawo.

“Kyokka olunaku lwennyini oba akadde tewali abimanyi, newandibadde bamalayika mu ggulu, yadde Mwana, wabula Taata yekka.

Kale bwe muwuliranga entalo n'eŋŋambo z'entalo, temwekanganga. Ebyo tebirirema kubaawo; naye yo enkomerero eriba tennatuuka.

Mutunule nno, kubanga temumanyi nnannyinimu w'alituukira, oba kawungeezi, oba ttumbi, oba mu nkoko, oba ku makya; bw'alibagwako, aleme kusanga nga mwebase. Kye ŋŋamba mmwe, nkigamba bonna: Mutunule.”

Kubanga eggwanga lirisitukira mu linnaalyo, n'obwakabaka mu bunnaabwo; walibaawo musisi mu bifo ebimu, n'enjala erigwa; naye ebyo byonna kwe kusookereza kw'okulumwa.

Anti Evangili eteekwa okusooka okubuulirwa amawanga gonna.

Bangi balijja mu linnya lyange nga bagamba nti: ‘Nze nzuuyo!’ era baliwubisa bangi.

Awo nno mwerinde, kubanga balibawaayo mu nkiiko, balibakubira mu sinaagooga; mulisimbibwa mu maaso g'abalamuzi n'aga bakabaka okubeera nze mujulire mu maaso gaabwe.

Kubanga Bakristu ab'obulimba n'abalanzi ab'obulimba bagenda kusituka; balikola obubonero n'ebyewuunyisa okuwubisa newandibadde abalondemu, singa kiyinzika.

“Mu nnaku ezo, ebibonoobono bwe biriba byakaggwa, enjuba eriddugala, omwezi gulirekayo okwaka, emmunyeenye ez'omu ggulu zirigwa okuva ku ggulu, n'amaanyi ag'omu ggulu galinyeenyezebwa.