Popular Bible Verses from Mar 14

Share

N'agamba nti: “Abba, Taata, anti byonna ku ggwe bisoboka; ekikompe kino kimpiteko; naye si nze kye njagala, wabula ggwe ky'oyagala.”

Mutunule, mwegayirire, muleme kugwa mu kukemebwa; kubanga omwoyo gwagala, naye omubiri munafu.”

Mazima mbagamba nti wonna Evangili eno gy'eribuulirwa mu nsi yonna, ky'akoze kiryogerwangako okumujjukira.”

N'abagamba nti: “Omwoyo gwange guliko ennaku nnyingi ezaagala n'okunzita; mubeere wano, mutunule.”

Bwe baali balya, Yezu n'akwata omugaati, ne yeebaza, n'agumenyamu, n'agubawa, ng'agamba nti: “Mukwate, kino mubiri gwange.”

N'akwata ekikompe, ne yeebaza, n'akibawa, ne banywako bonna. N'abagamba nti: “Kino musaayi gwange ogw'endagaano, oguyiibwa ku lw'abangi.

Yezu n'abagamba nti: “Mmwe mwenna ekiro kino mujja kwesittala, kubanga baawandiika nti: ‘Ndikuba omusumba, endiga ne zibuna emiwabo.’

Musituke, tugende; anampaayo wuuyo ali kumpi.”

Yezu n'amugamba nti: “Mazima nkugamba nti mu kiro kino enkoko eneeba tennakookolima emirundi ebiri, onooba onneegaanyi emirundi esatu.”