Popular Bible Verses from Mat 26

Share

Mutunule, mwegayirire, muleme kutwalibwa mu kukemebwa; kubanga omwoyo gwagala, naye omubiri munafu.”

N'abagamba nti: “Omwoyo gwange guliko ennaku nnyingi ezaagala n'okunzita; mubeere wano, mutunule wamu nange.”

N'abaawukanako katono, n'agwa wansi ku maaso ge, ne yeegayirira ng'agamba nti: “Kitange, obanga kiyinzika, ekikompe kino kimpiteko; naye si nga nze bwe njagala, wabula nga ggwe bw'oyagala.”

Kubanga kino musaayi gwange ogw'endagaano, oguyiibwa ku lw'abangi, olw'okusonyiyisa ebibi.

Bwe baali balya, Yezu n'akwata omugaati, ne yeebaza, n'agumenyamu, n'awa abayigirizwa be ng'agamba nti: “Mukwate, mulye; kino mubiri gwange.”

Ate n'akwata ekikompe, ne yeebaza n'akibawa, n'agamba nti: “Munywe ku kino mwenna

N'adda eri abayigirizwa, n'abasanga nga beebase; n'agamba Petero nti: “Abaffe, temuyinza kutunula nange wadde essaawa emu eti?

Ka mbabuulire, okuva kati siriddamu kunywa ku kibala kino eky'omuzabbibu, okutuusa olunaku olwo lwe ndikinywa obuggya wamu nammwe mu bwakabaka bwa Kitange.”

Petero n'ajjukira ekigambo Yezu kye yali amugambye nti: “Enkoko eneeba tennakookolima, onooba onneegaanye emirundi esatu.” N'afuluma ebweru, n'akaaba n'okunyolwa kungi.

Musituke tugende, kubanga anampaayo ali kumpi.”

Yezu n'amugamba nti: “Ekitala kyo kizze mu kifo kyakyo, kubanga bonna abakwata ekitala, balizikirira na kitala.