Popular Bible Verses from Luk 3

Share

Awo abantu bonna bwe baamala okubatizibwa, Yezu naye ng'abatiziddwa, nga yeegayirira, eggulu ne libikkuka, Mwoyo Mutuukirivu n'akka ku ye mu kifaananyi ekirabika, ng'ali ng'enjiibwa. Eddoboozi ne liva mu ggulu nti: “Ggwe mwana wange omwagalwa, nkwesiimiramu.”

Yowanna n'ayanukula bonna n'abagamba nti: “Weewaawo nze mbatiza na mazzi, naye wajja kujjayo ansinga amaanyi; gwe sisaanira na kusumulula lukoba lwa ngatto ze; oyo alibabatiza ne Mwoyo Mutuukirivu n'omuliro.

Kale nno mulage ebibala ebiva mu kubonerera kwammwe; temutandika kwegamba nti: ‘Tulina kitaffe Yiburayimu,’ kubanga, ka mbabuulire, mu mayinja gano gennyini Katonda ayinza okuggyiramu Yiburayimu abaana.

Na kati embazzi eteekeddwa ku kikolo ky'emiti. Buli muti ogutabala bibala birungi gujja kutemebwa gusuulibwe mu muliro.”

nga bwe kyawandiikibwa mu kitabo ky'ebigambo bya Yisaaya omulanzi nti: “Eddoboozi ery'oyo aleekaana mu ddungu nti: ‘Mutegeke ekkubo ly'Omukama, muluŋŋamye obukubo bwe. Buli kawonvu kajjuzibwe, buli lusozi na kasozi biseeteezebwe; amakubo ageenyooleza galuŋŋamizibwe, n'agalimu ebisirikko gatandaazibwe; olwo buli muntu aliraba obulokozi bwa Katonda.’ ”