Popular Bible Verses from Luk 14

Share

“Oli bw'ajja gye ndi n'amala takyawa kitaawe na nnyina, na mukazi we, na baana be, na baganda be, na bannyina, newandibadde obulamu bwe bwennyini, tayinza kubeera muyigirizwa wange.

N'oli ateetikka musaalaba gwe n'angoberera, tayinza kubeera muyigirizwa wange.

Kubanga buli eyeekuza alitoowazibwa, na buli eyeetoowaza, aligulumizibwa.”

Bwe kityo nno buli muntu mu mmwe ataleka byonna by'alina, tayinza kubeera muyigirizwa wange.

“Ani mu mmwe ng'ayagala okuzimba omunaala, atasooka kutuula n'abalirira muwendo oguligendako alabe oba alina eby'okugumaliriza? Sikulwa ng'amala okuyiwa omusingi, n'alemwa okumaliriza; bonna abagulaba ne bamusekerera, nga bagamba nti: ‘Omuntu nno yatandika okuzimba, n'atayinza kumaliriza.’

Wabula ggwe bw'ofumbanga embaga, oyitanga baavu, balema, bakateeyamba, bamuzibe, lw'olibeera n'omukisa, kubanga bano tebayinza kukuddiza. Oliddizibwa ku kuzuukira kw'abatuukirivu.”

“Omunnyo mulungi; naye omunnyo bwe gusaabulukuka, gunaalungwa naki? Guba tegukyagasa ttaka wadde olubungo, bagusuula eri. Alina amatu agawulira, awulire.”