Popular Bible Verses from Mateo 26

Share

Yom yʌxʌl la' woj, cha'lenla oración, cha'añ ma'añic mi la' jac' la' pʌyol ti mulil; come jiñi la' pusic'al yom i jac', pero jiñi la' bʌc'tal c'uñatax, —che'en Jesús.

Jiñi cha'añ, Jesús tsa' caji i su'beñob: —Wen ch'ijiyem jax c pusic'al, comix chʌmel; cʌlenla ilayi, yom yʌxʌl la' woj quic'ot, —che'en.

Tsa' to i ts'ita' xʌñʌ majlel, tsi' pʌcchoco i bʌ, tsi' cha'le oración, tsi' yʌlʌ: C Tat mi che'ʌch awom, tʌts'beñon ili vaso i yejtal bʌ wocol; pero mach a mel che' bajche' com, mele che' bajche' yom a pusic'al, —che'en Jesús.

jiñʌch c ch'ich'el cha'añ jiñi tsijib xuc'ul bʌ c t'añ, mu' bʌ i bejq'uel cha'añ ca'bʌlob cha'añ i ñusʌntel mulil.

Che' bʌ woliyob to ti we'el, Jesús tsi' ch'ʌmʌ waj, tsi' cha'le oración, tsi' xet'e, tsi' yʌq'ue xcʌnt'añob i cha'añ, tsi' yʌlʌ: —Ch'ʌmʌla, c'uxula, iliyi jiñʌch c bʌc'tal, —che'en.

Che' ja'el tsi' ch'ʌmʌ vaso, che' bʌ tsa'ix i su'be Dios wocolix i yʌlʌ, tsi' yʌq'ueyob, tsi' yʌlʌ: —Japʌla ti la' pejtelel

Tsa' tili ba'añ xcʌnt'añob i cha'añ, tsi' tajayob che' wʌyʌlob, tsi' su'be Pedro: —¿Mach ba añic tsa' mejli la' tic' la' wʌyel quic'ot jump'ejlic ora?

Pero mic su'beñetla, ma'añix mic chʌn jap i ya'lel ts'usub, jinto che' temel quic'otetla mic jap jiñi tsiji' bʌ ti' yumʌntel c Tat, —che'en Jesús.

Che' jiñi tsa' c'ajtiyi ti' pusic'al Pedro i t'añ Jesús, tsa' bʌ i su'be: “Che' maxto añic tsi' cha'le uq'uel tat mut, uxyajl mi caj a wʌl mach a cʌñʌyoñic”. Tsa' loq'ui majlel, tsʌts tsi' cha'le uq'uel.

Ch'ojyenla, coñixla, q'uelela, come lʌc'ʌlix añ jiñi mu' bʌ caj i yʌc'on ti' c'ʌb j contra, che'en.

Jesús tsi' su'be: —Cha' otsan a machit ti' yotot; come jiñi mu' bʌ i chucob machit mi caj i jilelob ti machit.