Popular Bible Verses from Mateo 27

Share

Che' yom i taj och'ajel q'uiñ, Jesús tsi' cha'le c'am bʌ t'añ, tsi' yʌlʌ: Elí, Elí, ¿lama sabactani? (Mu' bʌ i yʌl ti lac t'añ: C Dios, C Dios, ¿chucoch tsa' cʌyʌyon?).

Awilan, jiñi pisil joc'ol bʌ ti Templo tsa' tsijli ti ojlil, ti' jol c'ʌlʌl ti' yoc, tsa' tili i yujquel lum tsa' tojp'i xajlel tac. Tsa' jajmi mucoñibʌl tac, tsa' tejchiyob ch'ojyel ca'bʌl i cha'año' bʌ Dios tsa'ix bʌ chʌmiyob.

Jesús tsi' cha' cha'le c'am bʌ t'añ, tsi' yʌc'ʌ majlel i ch'ujlel.

Jiñi i yaj capitán jo'c'al soldadojob yic'ot jiñi soldadojob woli bʌ i cʌntañob Jesús, tsi' cha'leyob bʌq'uen che' bʌ tsi' q'ueleyob i yujquel lum yic'ot pejtelel tsa' bʌ ujti, tsi' yʌlʌyob: Isujmʌch ili wiñic i Yalobilʌch Dios.

Ti xinq'uiñil tsa' ic'a pañimil c'ʌlʌl ti och'ajel q'uiñ.

Pilato tsi' su'beyob: —¿Chuqui la' wom mic tumben, jiñi Jesús mu' bʌ i pejcʌntel ti Cristo? Ti' pejtelelob tsi' yʌlʌyob: —La' ch'ijlec ti cruz. Jiñi gobernador tsi' su'beyob: —¿Chucoch? ¿Chuqui ti jontolil tsi' cha'le? Pero tsa' utsi cajiyob ti c'am bʌ t'añ, tsi' yʌlʌyob: —La' ch'ijlec ti cruz.