Popular Bible Verses from Mateo 28

Share

Jiñi cha'añ, cucula, sutq'uinla ti xcʌnt'añob wiñicob x'ixicob ti pejtelel pañimil. Aq'uenla ch'ʌmja' ti' c'aba' lac Tat, ti' c'aba' i Yalobil, yic'ot ti' c'aba' Ch'ujul bʌ Espíritu; yic'ot cʌntesanla cha'añ mi' laj jac'ob pejtelel chuqui tac tsa' c su'beyetla; añon quic'otetla ti pejtelel ora c'ʌlʌl ti' jilibal pañimil”. [Amén]

Jesús tsi' lʌc'tesa i bʌ ti' tojlel jiñi xcʌnt'añob tsa' caji i su'beñob: “Aq'uebilon c p'ʌtʌlel cha'añ mic mel pejtelel chuqui com ti panchan yic'ot ti pañimil.

Jiñi ángel tsi' su'be jiñi x'ixicob: Jatetla mach mi la' cha'len bʌq'uen, come cujil woli la' sajcan Jesús, jiñi tsa' bʌ ch'ijle ti cruz. Mach wʌ'ix añ, tsa'ix ch'ojyi che' bajche' tsi' yʌlʌ, la' laj, q'uelela i yajñib ba' tsi' ñolchocoyob lac Yum.

Jiñi cha'añ Jesús tsi' su'beyob: —Mach mi la' cha'len bʌq'uen, cucula, su'benla jiñi quermañujob cha'añ mi' majlelob ti Galilea, ya'i mi caj i q'ueloñob, —che'en.

Jiñi ñuc bʌ motomajob tsi' tempayob i bʌ yic'ot xñoxob, tsi' temeyob i t'añ. Jiñi soldadojob tsa' aq'uentiyob ca'bʌl taq'uiñ, tsa' su'bentiyob: Su'benla wiñicob x'ixicob: “Tsa' tili xcʌnt'añob i cha'añ ti ac'ʌlel, tsi' xujch'ibeyob loq'uel i bʌc'tal che' wʌyʌlon lojon”. Che' yom mi la' su'beñob. Mi tsi' yu'bi jiñi gobernador, mi caj c wen pejcan lojon cha'añ ma'añic mi la' taj la' mul. Jiñi soldadojob tsi' ch'ʌmʌyob jiñi taq'uiñ, tsi' meleyob che' bajche' tsa' su'bentiyob. Tsa' pujqui jiñi t'añ ba'añ judíojob c'ʌlʌl wʌle.