Popular Bible Verses from Matews 26

Share

Avuriwnabay, piriyepkawnabay adahan yis ka isaksaw arit mbayka. Yitip ka isaksawkere arit mbayka, heneme yivitme amadgaya inin ik adahan isaksaw arit mbayka mmanawa yis yuma yawaygisima nitivut.

Ig awna gitkis: — Nah wakaymni mpiynevevye avit nuyakni. Ini nuvewkan umehpen pahayewvi. Nah tahan piriyepkawte. Yisme misakwa ay. Misakwanay avuriw adahan yis piriyepkaw payak nukakuh.

Ayteke ig wewkiswe atakesa aynesa. Ig mabukwe ta waykborit. Ig piriyepkaw ta git Uhokri. Ig awna: — Niguh, ba hiya pisma mpitha ini mbeyne danuh nutuh? Ku pis mpithekere, uya amnihun mpithin nudahan. Heneme ku in pimawkanwa in danuh nutuh, ka sam in danuh nutuh. Nah ka kehkere nudahan nubetki. Heneme nah kehkere pidahanwa pibetki.

Mmanawa inin win in numiguh yidahan. Ig Uhokri ahegbete ginetni nukunewa akiw gikakkis hiyeg adahan ku samah ignes humaw gihiyegavu. In sukasekpa gidahankis ka aynsima hiyeg kahadbe ini gahegbetawni in humaw, hawata kahadbe Uhokri bayahminigkis ariw gitaraksankis.

Ku samah igkis axnene ayge, ig Kiyavwiye Jesus iwe pahak bugut. Ig kabeyhe Uhokri. Ayteke ig sigkebdihe ini bugut, ig ibekhepni givuwiwkis giwatnivwi. Ig awna gitkis: — Ahah. Inin bugut in nihuh yidahan. Amavaniy, axnay niwntak.

Pisenwa gibakhan ini bugut, ig iwe pohow higeptet. Ig kabeyhe Uhokri. Ayteke ig mpiyase egu higeptet givuwiwkis giwatnivwi. Ig awna gitkis: — Higapnay niwntak, yis madikte.

Ayteke pisenwa giviryepkawni ig diyuhe ta gitkis gikannuhnivwi mpananene. Ig utevgikis himekweke. Ig hiyapni hene, ig awna ta git Pedru: — Mmah yis ka hiya yisma misakwa avuriwnema payak nukakuh aynesnima?

Kuri nah ka takunima higap win ay amadga inin akiw, nekwa aynte amun Wigwiy gikumadukan nah higapnek nukunewa win yikak akiw. Ihanabay inakni nuwnuh. Henewatbaki in.

Ayge nikwe ig Pedru kiye ku pariye Jesus giwn ta git: “Avit takarak awna pahaywowa gawnannek, pisme ayipa wihwe nuwhunek mpamavut.” Ig kiye inakni, ig pese. Ig kiyemina gitaraksan mpiynevevye. Ig biyuk gikan. Ig tihene ayge.

Kannikawnay. Uyay tivik. Ivegnay! Ig nukamaykiswitni nehmnik.

Igme Kiyavwiye Jesus hiyapni hene, ig awna git: — Paris piwana ta pibutikminat. Mmanawa madikte hiyeg ku pariye umehekne akak iwan, akakwata iwan igkis umahkanek.