Popular Bible Verses from Matews 27

Share

Avim ini daraka kamuw, ig Kiyavwiye Jesus kabiman akak gihawna giwnavrik. Ig awna: — Eli, Eli, lema sabaktâni? Inakni wownavrikwiy: “Nuwohkiga, nuwohkiga, mmahki pis ikiswen?”

Nikwenewa avim ini, ini kamis amaptenten Uhokri giwskeki pi kiyattenene ku pariye ayge arikunene Uhokri Givin, in sigke pabakak. In sigke inutak danuhte warikwit, amun ini ku aysaw ig miyap. In woke ahin ta arikut Uhokri giwskeki. Ayge avim ini wayk segke. Tip ibekhewbet. Amun ini ka aynsima imewti woke. Ayteke ariwntak Kiyavwiye Jesus gikankawni, ka aynsima Uhokriyanvu miyaravye ignes kannikewbet

Ayteke ig Kiyavwiye Jesus kabiman akiw akak gihawna. Giyakek madike. Ig miyap.

Ig Kiyavwiye Jesus miyap, pahavwi romayene, suwtat gikivarakis, gikakkis neras gisuwtatavu ku pariye avuriwnevwi Kiyavwiye Jesus, igkis hiyap ini sagkaki hene, akak madikte akiw ku pariye danuhne avim ini, igkis wakaymnibdi mpiynevevye. Igkis awna: — Inyewa ner awayg Uhokri gikamkayh.

Ayteke puwipka danuh. Pahaye adahan kamuw abutni ka kabutni akiw. Hawkri misanpi he dareke kamuw. Ayteke in kavusa kabutni akiw.

Igme Pilatus timapni hene, ig ayavgikis: — Mmah nah keh nikwe gikak Jesus ku pariye yis kanum Cristo, Uhokri gikanyan adahan yikumaduketni? Igkisme madikte kaytwa giwn: — Daddahkiswinig! Igme timapni hene, ig ayavgikis: — Mmahki? Pariye mbayka gikehni? Igkisme kabiman pi kihawnate akiw. Igkis awna: — Daddahkiswinig!