Popular Bible Verses from Markôs 11

Share

Yua kơ tơlơi anŭn Kâo laĭ kơ ƀing gih, hơgĕt tơlơi ƀing gih rơkâo tơdang iâu laĭ, đaŏ bĕ ƀing gih hmâo mă tŭ laih, ƀing gih či hmâo tơlơi anŭn yơh.

Sĭt biă mă Kâo laĭ kơ ƀing gih, hlơi pô laĭ kơ čư̆ anai: ‘Đuaĭ bĕ ih laih anŭn kơdâo amăng ia rơsĭ,’ tơdah amăng pran jua ñu ƀu đing ôh, samơ̆ đaŏ kơ tơlơi ñu laĭ či truh, sĭt tơlơi anŭn či ngă brơi kơ ñu yơh.

Laih anŭn tơdang gih dŏ dơ̆ng iâu laĭ, pap brơi bĕ hơgĕt tơlơi ƀing gih hmâo hăng arăng, kiăng kơ Ama ƀing gih, Pô dŏ amăng adai dưi pap brơi tơlơi soh ƀing gih kar kaĭ mơ̆n.”

Yêsu laĭ glaĭ kơ gơñu: “Brơi ƀing gih hmâo tơlơi đaŏ kơ Ơi Adai bĕ.

Laih anŭn Yêsu pơtô laĭ kơ ƀing gơñu: “Ƀu djơ̆ ôh hă hră Ơi Adai Pơhiăp hmâo čih laih: ‘Arăng či iâu sang Kâo jing sang iâu laĭ kơ abih bang djuai mơnuih’? Samơ̆ ƀing gih hmâo pơjing hĭ ñu jing par kơ ƀing mơnuih klĕ dŏp.”

Ƀing nao hlâo hăng ƀing tui klon ur kraih: “Hôsana! Ơi Adai hơơč mơyun yơh kơ Pô rai amăng anăn Khua Yang!

Ơi Adai hơơč mơyun kơ dêh čar pơtao Đawit ama ƀing ta či truh! Hôsana, amăng Anih Hăng Glông Hloh kơ abih bang!”